QR Qorǵanys mınıstriniń basshylyǵymen elimizdiń tórt oblysynda áskerı daıarlyq tekserildi (FOTO)
QR Qorǵanys mınıstriniń basshylyǵymen jergilikti basqarý organdarynyń aımaqtyq qorǵanys quralymdaryn tartý arqyly Almaty, Shyǵys Qazaqstan, Jambyl jáne Ońtústik Qazaqstan oblystaryna tekserý júrgizilýde, dep habarlaıdy vedomstvonyń baspasóz qzymetinen.
Búgin tańǵy 6.00-de atalǵan tórt qorǵanys isteri jónindegi departamenttiń 3000-nan astam áskerı qyzmetshisi men áskerı mindettiler tıisti jaýyngerlik daıarlyq deńgeıine keltirildi. Oblystyń basqa kúshtik qurylymdarymen ózara is-qımyl uıymdastyrylyp, áskerı mindettilerdi jınaý úshin habarlama taratatyn oryndar men pýnktter óristetildi. Qazir ókimge sáıkes jumystar jalǵasyn tabýda.
Tekserýdiń negizgi maqsaty óńirlerde aımaqtyq qorǵanysty uıymdastyrý máselesi jónindegi isterdiń shynaıy jaı-kúıin baǵalaý bolyp tabylady.
Atalǵan tekserý barysynda jergilikti áskerı basqarý organdaryn jumyldyrý kezeńine kóshirý, habarlandyrý, jınaý, aımaqtyq qorǵanys quralymdaryn jasaqtaý úshin jumyldyrý resýrstaryn jetkizý jáne olardy jan-jaqty qamtamasyz etý is-sharalary ótkiziledi.