QR Qorǵanys mınıstri TMD-nyń qorǵanys mınıstrleri keńesi janyndaǵy Úılestirý komıtetiniń otyrysyna qatysty
«Búgingi tańda ÁShQQ birikken júıesi dostastyqtyń qorǵanys júıesimen shynaıy áreket etetin áskerı yntymaqtastyq aıasyndaǵy kiriktirilgen úderistiń anaǵurlym mańyzdy jetistikteriniń biri bolyp tabylady. ÁShQQ JQ basqarý organdary jáne kezekshi kúshterimen jyl saıynǵy ótkiziletin oqý-jattyǵýlar men komandalyq-shtabtyq jattyqtyrýlardyń nátıjeleri áýe keńistiginde memlekettik shekaralardy qorǵaý boıynsha júıeniń tıimdiligin rastaıdy. Sońǵy jyldardyń tarıhı tájirıbesi tańdalǵan joldyń durystyǵyn taǵy da dáleldep otyr. Bul rette ÁShQQ birikken júıesi áýe-ǵaryshtyq keńistikten shyǵatyn qaýip-qaterlerge barabar den qoıý maqsatynda ári qaraı jetildirilýge muqtaj ekeni aıdan anyq», - dedi QR Qorǵanys mınıstri Imanǵalı Tasmaǵambetov.
Zamanaýı qarýly janjaldar tájirıbesi zamanaýı jaǵdaılar kezinde ınfraqurylymnyń ortaq qaýipsizdigi men áskerler toptamasyn qoldaný tıimdiligi olardy áýe-ǵaryshtyq shabýyl quraldarynyń soqqylarynan berik qalqalaý kezinde ǵana qol jetkizilýi yqtımal ekenin kýálandyrady. Áýe shabýylyna qarsy qorǵanys úılestirý komıteti otyrysynyń kún tártibi jáne onda qaralatyn máselelerdiń ózektiligi osymen týyndap otyr.
«Osy jyldyń 15 maýsymynda biz áriptesterimizben, qorǵanys mınıstrlerimen áýe-ǵaryshtyq qorǵanysty qurý, áýe shabýylyna qarsy qorǵanystyń kúsh-jigeri men áskerlerdiń ózara is-qımylyn úılestirý kózqarasynyń júıesinen turatyn TMD áýe-ǵaryshtyq qorǵanysynyń tujyrymdamasyn bekittik. Úılestirý komıtetine atalǵan qujatty iske asyrý jónindegi tapsyrma júktelgen. Yntymaqtastyqtyń normatıvtik quqyqtyq bazasyn, uıymdyq qurylym men basqarý júıesin jetildirýdi jalǵastyrý mańyzdy», - dep Qazaqstannyń qorǵanys vedomstvo basshysy atap ótti. ÁShQQ birikken júıesin jetildirý baǵyttaryn is júzinde iske asyrý onyń múmkindikterin arttyryp, qatysýshy memleketterdiń qaýipsizdigin qamtamasyz etýdiń jańa sapaly deńgeıine shyǵýǵa múmkindik beredi. Otyrys qorytyndysy boıynsha Úılestirý komıtetiniń atynan QR Qorǵanys mınıstrine A. Sývorovtyń «Jeńiske jetý ǵylymy» («Naýka pobejdat») kitaby tabystaldy.
Aıta keteıik, 1995 jylǵy 10 aqpanda Almaty qalasynda Táýelsiz Memleketter Dostastyǵy qatysýshy memleketteriniń áýe shabýylyna qarsy qorǵanysynyń birikken júıesin qurý týraly jańa redaktsııadaǵy kelisimge qol qoıyldy (bastapqy kelisimge 1992 jylǵy 6 shildede Máskeý qalasynda qol qoıyldy). ÁShQQ JQ mynadaı tapsyrmalardy sheshý úshin qurylǵan: - áýe keńistiginde qatysýshy memleketterdiń memlekettik shekaralarynyń kúzetilýin qamtamasyz etý; - qatysýshy memleketterdiń áýe keńistigin qoldaný tártibin birlesip baqylaýdy júzege asyrý; - áýe-ǵaryshtyq jaǵdaı týraly qatysýshy memleketterdi habardar etý, zymyran jáne áýe shabýyly týraly eskertý; - áýe-ǵaryshtyq shabýyldy toıtarý jóninde ÁShQQ áskerleri qatysýshy memleketteriniń kelisilgen is-qımyldaryn júrgizý. Áýe shabýylyna qarsy qorǵanystyń birikken júıesine kelisilgen jospar boıynsha áreket etetin jáne kórsetilgen tapsyrmalardy oryndaıtyn qatysýshy memleketter áýe shabýylyna qarsy qorǵanysynyń kúshteri men quraldary kiredi. 
