QR Qorǵanys mınıstri teraktide qaza bolǵandardyń týǵan-týysqandaryna kóńil aıtý jedelhatyn joldady

ASTANA. QazAqparat - Qorǵanys mınıstri Imanǵalı Tasmaǵambetov terrorlyq oqıǵalar saldarynan qaza bolǵan qalanyń beıbit turǵyndary men Ulttyq ulan áskerı qyzmetshileri boıynsha kóńil aıtý jedelhatyn joldady, dep habarlaıdy mınıstrliktiń baspasóz qyzmeti.

«5 maýsym kúni Aqtóbe qalasyndaǵy terrorlyq oqıǵalar kezinde el tynyshtyǵyn kúzetken sarbazdar men qalanyń beıbit turǵyndary qaza boldy. Elimiz úshin bul orny tolmas qaıǵy-qasiret.

Qazaqstan ekstremızm men terrorızmge qarsy kúresti barynsha belsendi júrgizýde. Jalpyulttyq aza tutý kúni barsha qazaqstandyqtarǵa jáne elimizdiń qaza bolǵan arystaı azamattarymyzdyń týǵan-týystary men jaqyndaryna qaıǵyryp kóńil aıtamyn», - dep jazylǵan jedelhatta.