QR Qorǵanys mınıstri shaqyrylym barysyn tekserdi

ShYMKENT. QazAqparat - QR Qorǵanys mınıstri general-polkovnık Sáken Jasuzaqov Shymkent garnızonyna jumys saparymen bardy. 

Onda ol Ońtústik Qazaqstan oblysynyń qorǵanys isteri jónindegi departamentiniń jıyn pýnktinde 2017 jylǵy kóktemgi shaqyrylym barysyn tekserdi. 

Qorǵanys vedomstvosynyń basshysy aǵymdaǵy jaǵdaı jáne shaqyrý naýqanynyń ótkizilý protsesi týraly OQO QІJD bastyǵynyń baıandamasyn tyńdady.

Jumys sapary barysynda Sáken Jasuzaqov ásker qataryna shaqyrylýshylarmen, olardyń ata-analarymen áńgimelesti. Medıtsınalyq tekserý, psıhologııalyq testileý úderisimen tanysyp, sondaı-aq, shaqyrylymnyń sapasy men uıymdastyrylýyn tekserdi. Tekserý qorytyndysy boıynsha vedomstvo basshysy merzimdi áskerı qyzmetke shaqyrylýshylardy ári qaraı sapaly irikteýge qatysty OQO QІJD basshylyǵyna birqatar naqty tapsyrmalar berdi.
 

Qazirgi ýaqytta oblystyq jıyn pýnktinen Shymkent qalasyna QR UQK Shekara qyzmetiniń áskerı bólimderine birneshe komanda jiberilgenin, sondaı-aq, QR Memlekettik kúzet qyzmetine irikteý bastalǵanyn aıta ketken jón.