QR Qorǵanys mınıstri Qosshyda patrıottyq sabaq ótkizdi

AQMOLA OBLYSY. QazAqparat - QR Qorǵanys mınıstri Nurlan Ermekbaev elordanyń irgesindegi Qosshy aýylyndaǵy № 2 orta mektepke baryp, bilim kúninen oraı «Sanaly urpaq-jarqyn bolashaq» atty birinshi patrıottyq sabaq ótkizdi. Bul týraly QazAqparat HAA Qorǵanys mınıstrliginiń baspasóz qyzmetine silteme jasap habarlaıdy.

Sabaq barysynda Nurlan Ermekbaev oqýshylarǵa Qazaqstannyń qazirgi zamanǵy armııasy, onyń qurylymy men mindetteri týraly aıtyp berdi. Oqýshylar ál áskeriniń tehnıkalyq jabdyqtalýy jáne 21 ǵasyrdyń áskerı qyzmetshilerge qoıylatyn talaptar týraly suraqtar qoıdy.

«Eseıgende keıbireýlerińiz Otan qorǵaýshy mamandyǵyn tańdap, Qazaqstan Respýblıkasynyń Qarýly Kúshteri qataryna túsýlerińiz múmkin. Otandy qorǵaý árqashan joǵary azamattyq erlik dep sanalady, – dedi Nurlan Ermekbaev.

Búgin Qazaqstannyń áskerı oqý oryndarynda da sabaq bastaldy. Eldegi 4 «Jas Ulan» áskerı mektebi, kadet korpýsy, Qurlyq áskerleriniń Áskerı ınstıtýty, Radıoelektronıka jáne baılanys áskerı ınstıtýty, T. Begeldınov atyndaǵy Áýe qorǵanysy kúshteriniń áskerı ınstıtýty, Tuńǵysh Prezıdent-Elbasy atyndaǵy Ulttyq qorǵanys ýnıversıteti el qorǵaıtyn sarbazdar daıyndaý isine jańa serpinmen kiristi.