QR Qorǵanys mınıstri kóshpeli alqa májilisin ótkizdi (FOTO)

ASTANA. QazAqparat - Búgin, 2016 jylǵy 14 qańtarda Taraz garnızonynda Qorǵanys mınıstrliginiń kóshpeli alqa májilisi ótti. Oǵan QR Qorǵanys mınıstrligi basshylyǵynyń ókilderi, departamentter men basqarmalardyń basshylary, «Ońtústik» óńirlik qolbasshylyǵy quramalary men bólimderiniń basshylary qatysty, dep habarlady QR Qorǵanys mınıstrliginiń baspasóz qyzmetinen.

Kóshpeli otyrys praktıkasy alǵash ret engizilip otyr. «Ońtústik» óńirlik qolbasshylyǵynda ótkizilip jatqany da jaıdan-jaı emes. Óıtkeni, ońtústik baǵyt - strategııalyq baǵyttardyń biri. Osyǵan baılanysty, «Ońtústik» óńirlik qolbasshylyǵynyń áskerlerine Qorǵanys mınıstrliginiń, sondaı-aq Memleket basshysynyń tarapynan erekshe kóńil bólinedi.

«Osy jyly «Ońtústik» óńirlik qolbasshylyǵynda alǵashqy alqa májilisin ótkizýimiz kezdeısoq emes». Sebebi, bul jaýyngerlik, jedel-aýmaqtyq jáne jumyldyrý jaǵynan eń iri quralym ǵana emes, sonymen birge Qarýly Kúshteri geosaıası aýqymda eldi qorǵaý jóninde jaýyngerlik tapsyrmalardy oryndaıtyn mańyzdy strategııalyq shep», - dep atap ótti qorǵanys vedomstvosynyń basshysy Imanǵalı Tasmaǵambetov.
Áskerlerdiń jaýyngerlik ázirligi men jaýyngerlik qabilettiligi áskerı tártip pen quqyqtyq tártiptiń jaı-kúıine tikeleı baılanysty. «Ońtústik» óńirlik qolbasshylyǵynyń áskerlerindegi osy tustaǵy máseleler búgingi otyrystyń negizgi sebebi boldy. Osyǵan baılanysty, «Ońtústik» óńirlik qolbasshylyǵy quramalary men bólimderiniń áskerı tártibi men quqyqtyq tártibiniń jaı-kúıi týraly másele qaraýǵa usynyldy.
«Udaıy jaýyngerlik ázirliktegi barlyq bólimsheler jedel den qoıýdyń ujymdyq kúshteri rejiminde áreket etýi tıis. Bul týraly Joǵarǵy Bas Qolbasshy Qarýly Kúshterdiń basshylyq quramymen jýyrdaǵy kezdesýi barysynda erekshe qadap aıtty. Bul fakti basshylyqtyń Joǵarǵy Bas Qolbasshynyń talaptaryna saı kelýdi ǵana emes, jaýyngerlik qabilettiliktiń joǵary dárejesinde bolýǵa mindetteıdi», - dep erekshe atap ótti Qorǵanys mınıstri Imanǵalı Tasmaǵambetov.
Kóshpeli alqa májilisiniń mańyzdy aspektisi «Ońtústik» óńirlik qolbasshylyǵyn ári qaraı jetildirý jóninde ózekti máselelerdi kóterý jáne sheshý bolǵanyn aıta ketý qajet. Sondaı-aq, tárbıe jumysynyń fýnktsıonaldylyǵy men pándik júıelendirilýin arttyrý máseleleri qozǵaldy.