QR Qorǵanys mınıstri qazaqstandyq ofıtserge qoıylatyn talaptardy atady
Mınıstr ýnıversıtet ujymyn jańa oqý jylymen quttyqtaı otyryp, Qarýly Kúshterdi jetildirý salasynyń jańa talaptaryn oryndaýǵa baǵyttalǵan áskerı bilim mindetterine toqtaldy. Mınıstr «áskerı qatynasy jaǵynan daıyndyǵy joǵary kadrlar memleket qaýipsizdigin qamtamasyz etýdegi sheshýshi faktor» dep ataı otyryp, «qazaqstandyq ofıtser memlekettik turǵydan oılaý qabiletine ıe bolýy, sondaı-aq jan-jaqtylyǵymen jáne myqty daıarlyǵymen erekshelenýi tıis», - dedi. «Birinshi Prezıdent - Ult kóbasshysynyń atyn ıelengen ýnıversıtettiń professorlyq-oqytýshylyq quramy sapaly áskerı bilimmen qamtamasyz etetin úlgili oqý orny bolýy kerek», - dep paıymdaıdy Mınıstr. Áskerı oqý ornynynyń tyńdaýshylaryna «memlekettiń oqý úshin bólgen ýaqytyn tıimdi paıdalaný kerektigin» jetkizdi. Sonymen qatar, «ózdigimen jumys jasaı bilý qabiletiniń erekshe mańyzdylyǵyna, oqýǵa atústi qaraýdan arylý» kerektigine nazar aýdardy. «Munda jalqaýlarǵa oryn joq», - dep basa aıtty S.Ahmetov. Qorǵanys mınıstri «barlyq magıstrlik jáne doktorlyq dıssertatsııalar armııada oryn alǵan máselelerdi sheshýge, naqty jáne negizdi usynystar engizýge negizdelýi tıis», dep esepteıdi. Mınıstr ýnıversıtettiń aldynda turǵan mindetter qatarynda «álemdik áskerı ǵylymnyń áleýetin tıimdi paıdalaný, ony QR Qarýly Kúshteriniń qyzmeti júıesine beıimdeý kerektigin» atady. «UQÝ áskerı bilim men áskerı ǵylymnyń vedomstvoaralyq ortalyǵyna aınalýy tıis», - dedi S.Ahmetov. Tyńdaýshylar men oqytýshylardyń saýaldaryna jaýap bere otyryp, mınıstr Qarýly kúshterdi odan ári jetildirý, armııany zamanaýı qarý-jaraqpen jáne áskerı tehnıkamen qamtamasyz etý, ǵylymı jáne komandalyq kadrlardy daıarlaýdy jetildirý, áskerı qyzmetshilerdiń áleýmettik qamsyzdanýyna kóńil bólý jáne jastardyń áskerı-patrıottyq tárbıesine jiti nazar aýdarý máselelerine erekshe toqtalyp ótti.