QR Qorǵanys mınıstri Gvardeısk jáne Saryózek garnızondarynda tekseris júrgizdi
Jumys sapary barysynda qorǵanys vedomstvosynyń basshysy aǵymdaǵy jaǵdaı men qorytyndy tekseristiń júrgizilý barysy týraly «Ońtústik» óńirlik qolbasshylyǵy áskerleri qolbasshysynyń mindetterin ýaqytsha atqarýshy jáne Aeroutqyr áskerleri qolbasshysynyń baıandamalaryn tyńdady.
Tekseris kezinde general-polkovnık Sáken Jasuzaqov 01098 áskerı bólimi 2-shi tank batalonynyń is-qımyldaryn, rotalyq-taktıkalyq oqý-jattyǵýlardyń ótkizilý barysyn, JÁJM-2 men T-72-den motoatqysh, tankti vzvodtardyń oq atýlardy oryndaýyn tekserdi.
Qorǵanys mınıstri tank jaraqtandyrýynan úzdik oq atqany úshin 21450 áskerı bólimi 8-shi tank rotasy 1-shi tank vzvodynyń serjanty Nurlan Raıymbekovti aıryqsha atap ótip, oǵan alǵys jarııalady.
Odan basqa, vedomstvo basshysy Otar jáne Saryózek garnızondarynyń ınfraqurylymyna jóndeý júrgizilýi barysyn tekserdi. Tekserý qorytyndysy boıynsha QR Qorǵanys mınıstri QR QK Joǵarǵy Bas Qolbasshysynyń tapsyrmalaryn ýaqtyly jáne sapaly oryndaý jóninde Gvardeısk jáne Saryózek garnızondarynyń komandalyq quramy men áskerı qyzmetshilerine naqty mindetter júktedi.
Áskerlerdiń qorytyndy tekserisi barysynda taktıkalyq býyn, ıaǵnı, vzvod, rota, batalonnyń jaýyngerlik ázirligi men oqytylýy jaı-kúıine erekshe nazar aýdarylatynyn aıta ketken jón. Baqylaý sabaqtarynyń nátıjeleri boıynsha árbir áskerı qyzmetshige baǵa qoıylyp, sondaı-aq, arnalýy boıynsha tapsyrmalardy oryndaýǵa bólimshelerdiń daıyndyǵynyń egjeı-tegjeıli taldaýy júrgiziledi.
