QR Qorǵanys mınıstri Bas shtab bastyǵynyń jańa orynbasaryn tanystyrdy

ASTANA. QazAqparat - QR Qorǵanys mınıstri general-polkovnık Sáken Jasuzaqov QR Qarýly Kúshteri Bas shtaby bastyǵynyń orynbasary general-maıor Ádilbek Aldabergenovti tanystyrdy.

Mınıstrliktiń baspasóz qyzmetiniń habarlaýynsha, general-maıor Ádilbek Aldabergenov QR Qarýly Kúshteriniń qurylýy men damýyna qomaqty úles qosa otyryp, leıtenant sheninen bastap general ataǵyna deıin áskerı qyzmettiń barlyq satysynan ótken.

Ol Rıazan joǵary áýe-desanttyq komandalyq ýchılışesi men M.V. Frýnze atyndaǵy áskerı akademııanyń túlegi.

Ádilbek Aldabergenov birqatar arnaıy maqsattaǵy jasaq komandıri, Germanııadaǵy keńes áskerleriniń arnaıy maqsattaǵy jasaǵynyń komandıri, shtab bastyǵy, 21208 áskerı bólimi arnaıy maqsattaǵy jasaq komandıriniń orynbasary, jekelegen gvardııalyq desanttyq-shabýyldaý brıgadasy parashıýttik-desanttyq batalonynyń komandıri, 14776 á/b komandıri, QR QK Aeroutqyr áskerleriniń qolbasshysy, Bas qolbasshynyń birinshi orynbasary - QR QK Qurlyq áskerleri BQB bas shtabynyń bastyǵy sekildi qyzmetterdi atqardy.

1985 jyldyń sáýiri men 1986 jyldyń tamyzy aralyǵynda DRA-daǵy jaýyngerlik is-qımyldarǵa qatysty. Óziniń batyldyǵy men qaısarlyǵy, jaýyngerlik is-qımyldarda bólimshesine bilikti basshylyq etkeni úshin Qyzyl juldyz ordenimen marapattaldy. Odan basqa, general-maıor Ádilbek Aldabergenov 2-dárejeli «Aıbyn», 2-dárejeli «Dańq» ordenimen jáne 14 medalmen marapattalǵan.