QR Qorǵanys mınıstri arnaıy maqsattaǵy jaýyngerlerdiń jasaǵyna kenetten tekseris júrgizdi

ASTANA. QazAqparat - Búgin, 3 aqpanda kenetten tekserý sheńberinde «Ońtústik» jáne «Batys» óńirlik qolbasshylyqtarynyń arnaıy maqsattaǵy jasaqtary jaýyngerlik ázirliktiń joǵary dárejesine keltirildi. Dabyl belgisi boıynsha áskerı qyzmetshiler jaýyngerlik eseptopqa sáıkes is-sharalardy oryndady.

Áskerı-kóliktik avıatsııa jáne avtomobıldik tehnıka tartyla otyryp, jaýyngerlik arnalym aýdandaryna arnaıy maqsattaǵy bólimshelerdi bir jerden ekinshi jerge almastyrý júzege asyryldy, dep habarlaıdy QR Qorǵanys mınıstrliginiń baspasóz qyzmetinen.

Kenetten tekserýdiń basty maqsaty belgilengen merzimde qoıylǵan jaýyngerlik tapsyrmalardy oryndaý kezinde arnaıy maqsattaǵy bólimshelerdiń is-qımyldarynyń úılesimin baǵalaý bolyp tabylady. Búgingi tańda jaýyngerlik ázirlikti tosynnan tekserý Qarýly Kúshterdiń shynaıy jaýyngerlik ázirligin aıqyndaýdyń pármendi ári batymdy tásili, sondaı-aq áskerlerdegi isterdiń shynaıy mán-jaıyn zerdeleýdiń mańyzdy úlgisi bolyp qalýda. Kenetten tekserý kezinde bólimshelerdiń is-qımyldarynyń úılesýi, ár jaýyngerdiń óziniń oraǵytýyn bilýi men sheber oryndaýy, basqarýdy uıymdastyrý, ásker túrleri men tekteri arasyndaǵy ózara is-áreket máselelerine erekshe kóńil bólinedi.