QR Qorǵanys mınıstri Almatydaǵy «Tales Qazaqstan Injınırıng» zaýytynynyń ashylýynda boldy
Bul jaıynda Búgin QR Qorǵanys mınıstri Ádilbek Jaqsybekov radıo baılanys quraldaryn jasaıtyn «Tales Qazaqstan Injınırıng» zaýytynyń saltanatty ashylý rásimi kezinde aıtty.
Mınıstr «Qazaqstan ınjenırıng» pen frantsýzdyq «Tales» kompanııalarynyń birlese iske asyrýǵa baǵyttalǵan jobalarynyń ashylýymen quttyqtaı kele bul jobanyń Qazaqstannyń Qarýly kúshterimen qatar barlyq salasyna óte qajetti ekendigin jetkizdi. «Bul elimizdiń mashına jasaý salasyna jáne ekonomıka, transporttyq tehnologııasyna da óz septigin tıgizedi. Jobanyń iske asýy eki memlekettiń basshylarynyń kezdesýinen keıin, ıaǵnı eki el arasyndaǵy dostyq yntymaqtastyqty keńeıtý jónindegi kelisimderiniń tájirıbe júzinde júzege asýynyń alǵy sharty»,-dedi QR Qorǵanys mınıstri.
Frantsýzdyń «Tales» kompanııasy áskerı jáne azamattyq maqsattaǵy joǵary tehnologııaly elektrondy júıeni jasaýda jáne shyǵarýda álemde aldyńǵy qatarda.
