QR Qorǵanys mınıstri Á. Jaqsybekov Almaty óńirlik garnızonynda jumys saparymen bolyp qaıtty. VIDEO
Bul týraly QR Qorǵanys mınıstrliginiń baspasóz qyzmetinen habarlandy.
Aeroutqyr áskerlerdiń qolbasshysy general-maıor Dáýlet Ospanov mınıstrge Aeroutqyr áskerlerdiń bólimderindegi istiń aǵymdaǵy jaı-kúıi - jeke quramnyń jaýyngerlik daıarlyǵy, bólimderdiń tehnıkalyq jaraqtandyrylýy týraly baıandap, 38-desanttyq-shabýyl brıgadasynyń ınfraqurylymymen tanystyrdy.
Ádilbek Jaqsybekov qazaqstandyq bitimgershilik brıgadasynyń jeke quramymen kezdesip, áńgimelesti.
«Sizder Qazaqstan áskeriniń elıtasy bolyp tabylasyzdar. Qazaqstan Qarýly Kúshteriniń Joǵarǵy Bas Qolbasshysy - elimizdiń Prezıdenti Aeroutqyr áskerlerge erekshe kóńil bóledi jáne bizdiń armııamyzdyń utqyr ári kásibı bolýy úshin barlyq jaǵdaıdy jasap otyr. Sizderdiń «Dala qyrany» jáne «Myzǵymas baýyrlastyq» oqý-jattyǵýlaryna qatysýlaryńyz bedeldi sheteldik sarapshylardyń joǵary baǵasyn alyp, Qazaqstan armııasynyń sońǵy jyldar ishinde sapalyq jańa kórsetkishterge qol jetkizgenin dáleldedi», - dep atap ótti Ádilbek Jaqsybekov.
Mınıstr Aeroutqyr áskerler tynys-tirshiliginiń barlyq aspektilerin Nursultan Nazarbaev tikeleı baqylaýynda ustaıtynyn atap ótti. Eki jyl buryn QR QK Áskerlerdi páterlerge ornalastyrý bas basqarmasynyń aldyna Aeroutqyr áskerleriniń Almaty jáne Qapshaǵaı garnızondaryndaǵy ınfraqurylymyn damytý jóninde mindet qoıylǵan bolatyn. Búginde damytýdyń túıindi máseleleri sheshilgen, Ádilbek Jaqsybekov baıqaǵandaı bul baǵytta bıylǵy jyldyń basynan beri orasan zor aýqymda jumys atqarylǵan.
QR QK Qurlyq áskerleri áskerı ınstıtýtynyń bastyǵy general-maıor Nıkolaı Qýatov mınıstrdi joǵary oqý ornynyń sport kesheniniń kúrdeli jóndeý barysymen tanystyrdy. «Elbasynyń joldaýynda jarııalanǵan «Qazaqstan-2050» Strategııasyna sáıkes joǵary oqý oryndary oqytý ádistemesin jańǵyrtyp, ǵylymı-zertteý jumystaryn jáne bilim berýdiń qazirgi zamanǵy onlaın júıelerin belsendi túrde damytýy tıis. Kýrsanttardyń dene daıarlyǵy joǵary deńgeıde bolýy qajet., al biz sol úshin jaǵdaı jasaýmen qatar dene daıarlyǵynyń qazirgi zamanǵy standarttaryn qoldanýymyz qajet», - dep atap ótti Ádilbek Jaqsybekov joǵary oqý ornynyń basshylyǵymen bolǵan kezdesýde.
Armııa ortalyq sport klýbynyń aýmaǵynda da aýqymdy qurylys qanat jaıǵan. QR Qorǵanys mınıstri barlyq salynyp jáne jóndelip jatqan nysandardy aralap kórdi. «AOSK ofıtserleriniń esimderin qazastandyqtar maqtanyshpen ataıdy. Kapıtandar Serik Sápıev pen Olga Rypakova olımpıadalyq altyn medaldarymen Qazaqstandy álemge pash etti. Birjan Jaqypov bokstan álem chempıonatynda el qorjynyna altyn júlde ákeldi. Armııa sporty árqashan bıikte bolýy úshin bolashaq olımpııadashylar jattyǵatyn sporttyq bazalar barlyq halyqaralyq standarttarǵa saı bolýy tıis. Sondyqtan da bul másele meniń tikeleı baqylaýymda jáne biz AOSK barlyq sporttyq bazalaryn jańartý jóninde orasan úlken jumys atqardyq», - dedi Ádilbek Jaqsybekov.