QR konsýldyǵy Úrimshidegi jarylystan zardap shekkenderdiń arasynda qazaqstandyqtardyń bar-joǵyn anyqtaýda
BEIJІŃ. QazAqparat - QHR-daǵy Qazaqstan konsýldyǵy Úrimshidegi temirjol vokzalynda oryn alǵan jarylystan zardap shekkenderdiń ishinde bizdiń elimizdiń azamattarynyń bar-joǵyn anyqtaý ústinde.
«Konsýldyq qazirgi ýaqytta zardap shekkenderdiń ishinde Úrimshide ýaqytsha júrgen bizdiń azamattardyń bar-joqtyǵyn anyqtaýda», - dep habarlady elshilikten QazAqparatqa.
Jergilikti polıtsııa derekterine sáıkes, aldyn ala derekter boıynsha jarylys nátıjesinde bir adam qaza taýyp, 40 adam jaraqat alǵan. Aıta keteıik, Úrimshi temirjoly beketindegi jarylys Beıjiń ýaqyty boıynsha shamamen saǵat 7-lerde oryn alǵan. Jaralanǵandardyń naqty sany ázirge anyqtalyp jatyr. Budan buryn habarlanǵandaı, QHR tóraǵasy Sı Tszınpın jumys saparymen Shyńjań-Uıǵyr avtonomııalyq aýdanyna barǵan edi. Bul QHR tóraǵasy retinde Sı Tszınpınniń Shyńjańǵa alǵashqy resmı sapary. Ári ortalyq áskerı keńes tóraǵasy bolyp tabylatyn QHR basshysy jumys sapary barysynda Qashǵardaǵy Shyńjań áskerı aýdanynyń halyqtyq qarýly polıtsııasynyń bólimshesine baryp, avtonomdy aýdannyń qoǵamdyq qaýipsizdik organdarynyń patrýldik-kúzet qyzmetiniń tótenshe jaǵdaı oryn alatyn jaǵdaılarǵa ázirligin tekserdi.
