QR Konstıtýtsııasy kúnine oraılastyrylǵan is-sharalarǵa Qytaı jýrnalısteri de qatysady

BEIJІŃ. Tamyzdyń 26-sy. QazAqparat /Rýslan Súleımenov/ - Qytaıdyń buqaralyq aqparat quraldarynyń bir top ókili Qazaqstan Respýblıkasy Konstıtýtsııasynyń 15 jyldyǵyna oraı tamyzdyń 27-30-y aralyǵynda Astanada ótkiziletin is-sharalarǵa qatysady. Olar Qazaqstannyń Syrtqy ister mınıstrliginiń shaqyrýymen Astanaǵa attandy.

Astana saparynyń barysynda Qytaı jýrnalısteri «Konstıtýtsııa - memlekettiń demokratııalyq damýynyń negizi» konferentsııasyna qatysady. Sondaı-aq olar Tuńǵysh Prezıdenttiń murajaıynda jáne «Han Shatyr» saýda -oıyn-saýyq ortalyǵynda bolady, Táýelsizdik saraıynda ótetin kontsertti jáne «Qazaq eli» alańynda ótetin áskerı paradty tamashalaıdy.

Jáne olar úshin QR Syrtqy ister mınıstriniń orynbasary Nurlan Ermekbaevpen suhbat josparlanyp otyr.