QR Konstıtýtsııalyq keńesiniń tóraǵasy I.Rogov BUU-nyń arnaıy baıandamashysy M.Kıaımen kezdesti

ASTANA. QazAqparat - Búgin Konstıtýtsııalyq keńestiń tóraǵasy Igor Rogov BUU-nyń arnaıy baıandamashysy Maın Kıaıdi qabyldady, dep habarlaıdy QR KK-niń baspasóz qyzmetinen.

Kezdesý barysynda beıbit jıyndar men qaýymdastyqtarǵa quqyqty qamtamasyz etý problemalary týraly pikir almasyldy. Pikirtalas kezinde Qazaqstannyń jalpy adamgershilik qundylyqtardyń jolyn ustaýshylyǵyna, adam quqyqtary boıynsha negizgi halyqaralyq qujattardy saqtaýyna oń baǵa berildi.

BUU-nyń arnaıy baıandamashysy sondaı-aq Konstıtýtsııalyq keńestiń eldiń negizgi zańynyń ulyqtylyǵyn qamtamasyz etý qyzmeti, onyń Konstıtýtsııa jáne Qazaqstannyń quqyqtyq júıesin damytýda kepildendirilgen zańdy quqyqtar men bostandyqtardy qamtamasyz etýdegi sheshimderiniń mańyzdy máni týraly aqparattandyryldy.