QR Konstıtýtsııalyq Keńesiniń eldegi konstıtýtsııalyq zańdylyqtyń jaı-kúıi týraly joldaýy jarııalandy
NUR-SULTAN. QazAqparat – Parlament palatalarynyń birlesken otyrysynda QR Konstıtýtsııalyq Keńesiniń Respýblıkadaǵy konstıtýtsııalyq zańdylyqtyń jaı-kúıi týraly jyl saıynǵy joldaýy tyńdaldy, dep habarlaıdy QazAqparat tilshisi.
«Bıylǵy jyl Qazaqstan Respýblıkasy Memlekettik táýelsizdiginiń 30 jyldyǵymen erekshelenip otyr. Uly Dala eliniń derbes memlekettiligin qalyptastyrýdaǵy sheshýshi qadamdar elimizdiń Tuńǵysh Prezıdenti-Elbasy NurSultan Nazarbaevtyń bastaýymen 1995 jyly 30 tamyzda Búkilhalyqtyq referendýmda qabyldanǵan qoldanystaǵy osy Konstıtýtsııa aıasynda júzege asyryldy. Qazaqstan Respýblıkasynyń Prezıdenti Qasym-Jomart Toqaev atap ótkendeı, «osynaý tolaǵaı tabystardyń bárine Elbasynyń dara kóshbasshylyǵynyń hám halqymyzdyń danalyǵy men parasatynyń, birligi men yntymaǵynyń, otandastarymyzdyń qajyrly eńbeginiń arqasynda qol jetkizdik», - dedi Konstıtýtsııalyq Keńestiń tóraǵasy Qaırat Mámı.
Onyń aıtýynsha, jaqynda bekitilgen Qazaqstan Respýblıkasynyń 2025 jylǵa deıingi Ulttyq damý jospary, Qazaqstan Respýblıkasynyń 2025 jylǵa deıingi jalpyulttyq basymdyqtary, Qazaqstan Respýblıkasynda memlekettik basqarýdy damytýdyń 2030 jylǵa deıingi tujyrymdamasy tıisti mńndetterdi sheshýge qyzmet etedi. bekitildi. Bul qujattardy iske asyrý qazirgi kezeńniń syn-qaterlerin eńserýge baǵyttalǵan jáne orta merzimdi perspektıvada, halyqtyń turmys sapasy men tabysynyń shynaıy artýymen qosa júretin, eldiń ornyqty jáne sapaly ekonomıkalyq ósý jolyna baǵyt alýyn qamtamasyz etýge arnalǵan.
«Memlekettik egemendiktiń negizgi dińgekterin aıqyndaýda jáne iske asyrýda Konstıtýtsııalyq Keńestiń sheshimderi mańyzdy ról atqarady. Konstıtýtsııalyq Keńestiń qaýlylarynda eldiń konstıtýtsııalyq qurylysynyń negizderi, adamnyń jáne azamattyń quqyqtary men bostandyqtaryn qorǵaý, Respýblıka Prezıdentiniń, Parlamenttiń, Úkimettiń mártebesi men ókilettikteri, bılik tarmaqtarynyń ózara qarym-qatynasy, zań shyǵarý protsesi, sottardyń jáne ózge de memlekettik organdardyń quzyreti men qyzmetiniń mazmundary jan-jaqty túsindirildi», - dedi Qaırat Mámı.
Konstıtýtsııalyq Keńes elde quqyqtyq memleket qaǵıdattaryn nyǵaıtý jóninde naqty usynystar engizdi.
«Konstıtýtsııalyq Keńestiń sheshimderin oryndaý protsesi jalǵasýda. Respýblıka Prezıdenti málimdegen jáne júrgizip otyrǵan qoǵam men memleketti odan ári demokratııalandyrý baǵyty konstıtýtsııalyq baqylaý organynyń rólin arttyrýdy jáne Konstıtýtsııalyq Keńes týraly zańnamany jetildirýdi talap etedi.
Azamattardyń konstıtýtsııalyq baqylaýǵa qol jetkizýin keńeıtý qajet.
Bul baǵytta sottardyń Konstıtýtsııalyq Keńeske ótinish jasaý tártibin, taraptardyń qoldanystaǵy zańnyń konstıtýtsııalyǵyn tekserý týraly ótinishterin qaraý tártibin ońtaılandyrý ózekti. Eýropa Keńesiniń Venetsııa komıssııasy bul máseleler boıynsha oń qorytyndysyn berdi», - dedi ol.
