QR kolonııalaryndaǵy tótenshe jaǵdaılar tolqynynyń sebebin eń aldymen, sottalǵandardy ustaý jaǵdaılarynan izdeý qajet - QAJK ókili
ASTANA. Tamyzdyń 16-sy. QazAqparat /Ǵalymjan Hasenov/ - QR Adam quqyqtary jónindegi Ulttyq ortalyqta respýblıka kolonııalaryndaǵy zańǵa qaıshy is-áreketterdiń sebebin tek teris pıǵyldy azamattar tarapynan ǵana emes, olardy ustaýdyń qanaǵattanarlyqsyz jaǵdaıy men QAJ qyzmetkerleriniń biliktiliginiń tómendiginen de bolyp otyr, dep habarlady ortalyqtyń resmı ókili Rıshat Rahymov.
QazAqparat tilshisimen áńgimesinde R.Rahymov ústimizdegi jyldyń sońǵy úsh aıynda otandyq penıtentsıarlyq júıesinde birneshe tótenshe oqıǵalar oryn aldy.
Onyń aıtýynsha, qoǵamdyq silkinis týdyrǵan jaǵymsyz oqıǵalar óziniń aýqymdylyǵy men qaıǵyly zardaptarymen qoǵamnyń nazaryn aýdaryp otyr, qazirgi ýaqytta osy faktiler boıynsha egjeı-tegjeıli tekserister júrgizilip jatyr.
R.Rahymovtyń pikirinshe, respýblıka kolonııalaryndaǵy zańǵa qaıshy is-áreketterdiń sebebin tek teris pıǵyldy azamattar tarapynan ǵana emes, olardy ustaýdyń qanaǵattanarlyqsyz jaǵdaıy men QAJ qyzmetkerleriniń biliktiliginiń tómendiginen de izdeý kerek.
