QR Kólik jáne kommýnıkatsııa mınıstrliginiń Kóliktik baqylaý komıteti bıletsiz jolaýshylardy anyqtap jatyr
ASTANA. 30 tamyz. QazAqparat - Keshe «Almaty-Astana» baǵytyndaǵy №9 jolaýshylar poıyzyna Aǵadyr-Qaraǵandy ýchaskesinde júrgizilgen tekserý barysynda poıyzdyń 18 vagonynyń birinde 21 jolaýshynyń bıletsiz mingeni anyqtaldy.
QR Kólik jáne kommýnıkatsııa mınıstrliginiń málimetinshe, anyqtalǵan fakti boıynsha, atap aıtqanda Temir jol kóliginde jolaýshylardy, júkterdi, qol júkterdi tasymaldaý erejesin buzǵany úshin poıyz brıgadasynyń jumysshylary ákimshilik jaýapkershilikke tartyldy.
2012 jylǵy 10 shildede qabyldanǵan «Memlekettik organdardyń baqylaý jáne qadaǵalaý qyzmetin ońtaılandyrý jáne ruqsat qujattaryn qysqartý boıynsha Qazaqstan Respýblıkasynyń keıbir zańnamalyq aktilerine ózgertýler men tolyqtyrýlar engizý týraly» Qazaqstan Respýblıkasynyń Zańyna sáıkes, kóliktik baqylaý organdary prokýratýra organdarynda tirkelmeı-aq, temir jol kóliginde jolaýshylardy, júkterdi, qol júkterdi tasymaldaý erejesiniń saqtalýyna tekserý júrgize alady.
Jazǵy mezgilde jolaýshylardy tasymaldaý boıynsha júrgizilgen tekserý qorytyndysy men anyqtalǵan ereje talaptaryn oryndamaý faktileri aǵymdaǵy jyldyń qyrkúıek aıynda Mınıstrlikte barlyq tasymaldaýshylardyń qatysýymen qaralatyn bolady.
