QR Kólik jáne kommýnıkatsııa mınıstrliginde shaǵyn fýtboldan «Naýryz - 2010» týrnıri ótip jatyr
ASTANA. Naýryzdyń 18-i. QazAqparat - QR Kólik jáne kommýnıkatsııa mınıstrligi Naýryz meıramyn atap ótý aıasynda óziniń qurylymdyq bólimsheleri arasynda shaǵyn fýtbol boıynsha «Naýryz - 2010» týrnırin ótkizýde,
dep habarlaıdy QazAqparat vedomstvonyń baspasóz qyzmetine silteme jasap.
Týrnır sheńberinde naýryzdyń 13-14-i aralyǵynda toparalyq oıyndar ótkizilip, 4 úzdik komanda anyqtaldy. Olar - Avtomobıl joldary men Kóliktik baqylaý komıtetteri, Qarjy jáne memlekettik satyp alý departamenti men «Barys» qurama komandalary.
Týrnır sońynda úzdik oıynshylar da anyqtaldy. Olar - Kóliktik baqylaý komıtetiniń tóraǵasy Ádilet Bármenqulov, qarjy jáne memlekettik satyp alý departamentiniń dırektory Bolat Bekmaǵambetov, vıtse-mınıstrdiń kómekshisi Janat Qabyshev («Barys» komandasy), Kóliktik baqylaý komıtetiniń bas sarapshysy Jandos Álmenov, Avtomobıl joldary komıtetiniń bas sarapshysy Jantóre Kóbeısinov, Avtomobıl joldary komıtetiniń sarapshysy Erlan Jumaǵulov.
Naýryzdyń aldaǵy 20-sy kúni týrnırdiń qorytyndy matchy ótedi. Jeńimpaz komanda aýyspaly kýbokpen jáne 1-shi dárejeli dıplommen marapattalady. Toptyń úzdik oıynshylaryna «Úzdik qaqpashy», «Úzdik qorǵaýshy», «Úzdik shabýylshy» atalymdary boıynsha baǵaly syılyqtar beriledi.
