QR Kólik jáne kommýnıkatsııa mınıstrligi 3 zamanaýı avtomobıl joly qurylysynyń jobasyn bastamaq
ASTANA. 15 qarasha. QazAqparat - Jerústi kólik kommýnıkatsııalarynyń túrlerin, ásirese, halyqaralyq dálizder aıasynda turaqty damytý Qazaqstannyń tranzıttik áleýetin júzege asyrýdaǵy mańyzdy element bolyp sanalady.
ShYU-ǵa múshe memleketter Kólik mınıstrlikteriniń jıynynda QR Kólik jáne kommýnıkatsııa vıtse-mınıstri Mereke Pishembaev atap ótkendeı, Qazaqstanda uzyndyǵy 2787 shaqyrymdy quraıtyn «Batys Eýropa - Batys Qytaı» avtomagıstralin salý jáne qaıta jańǵyrtý - avtojol sektoryndaǵy mańyzdy jobalardyń biri.
«Ótken jyly atalǵan dálizdiń 700 shaqyrymdy quraıtyn ýchaskesi paıdalanýǵa berildi. Aǵymdaǵy jyly taǵy da 806 shaqyrymdy paıdalanýǵa berý josparlanýda, al jobanyń aıaqtalýy 2015 jylǵa josparlanǵan», - dedi ol.
Budan bólek, M.Pishembaevtyń atap ótýinshe, aǵymdaǵy jyly Qazaqstanda eldiń ortalyǵy men iri óńirlerin qosatyn úsh zamanaýı avtojoldyń qurylysy boıynsha jobalardy júzege asyrý qolǵa alynbaq. Onyń ishinde jalpy uzaqtyǵy 1527 shaqyrymdy quraıtyn Ortalyq-Batys baǵytyndaǵy Arqalyq qalasy arqyly ótetin Astana-Aqtaý avtojoly da bar.
