QR Kólik jáne kommýnıkatsııa mınıstri «Şýchınsk-Býrabaı demalys aýmaǵyndaǵy» saýyqtyrý ortalyǵynyń kireberisi» avtomobıl joly ýchaskesiniń qurylys jumysymen tanysty
ASTANA. 7 qarasha. Qazaqparat. 7 qarashada QR Kólik jáne kommýnıkatsııa mınıstri Berik Kamalıev Kókshetaý qalasyna jumys sapary barysynda «Şýchınsk-Býrabaı demalys aýmaǵyndaǵy» saýyqtyrý ortalyǵynyń kireberisi» avtomobıl joly ýchaskesiniń (2,1-8,9 km) qurylys jumysynyń barysymen tanysty,
dep habarlady QR Kólik jáne kommýnıkatsııa mınıstrliginiń baspasóz qyzmeti.
Anyqtama: Şýchınsk-Býrabaı demalys aýmaǵyndaǵy» saýyqtyrý ortalyǵynyń kireberisi» avtomobıl joly ýchaskesiniń (2,1-8,9 km) qurylysy boıynsha bas merdiger - «Kazahdorstroı» JShS, avtorlyq qadaǵalaý - «Almaty Joljoba» JShS, ınjener qyzmeti - «Irmast A» JShS, jumystyń jalpy quny - 3 776,5 mln. teńge, iske asyrylý merzimi - 2010-2011 jyldar.
Merdiger kepildik merzimniń saqtandyrý jáne kepildik pasportty berý boıynsha jumystar júrgizýde. Odan keıin 5% aýdarym somasy ( 96,6 mln. teńge) tólenedi.
Jumys toby nysandy tapsyrdy. Qazirgi ýaqytta nysandy memlekettik komıssııaǵa tapsyrý boıynsha daıyndyq jumystary atqarylýda.
Mınıstr B. Kamalıev ýchaskeni aralaý barysynda «Kazahdorstroı» JShS merdiger kompanııasynyń basshysy B.Isabaevtyń joba boıynsha jumystardyń aıaqtalýy týraly jáne «Irmast A» JShS jáne «Aqmolajollaboratorııa» MM ınjenerlik qyzmetteri basshylarynyń nysandaǵy oryndalǵan jumystardyń sapasy týraly esepterin tyńdady.
Nysandardy aralaýdyń qorytyndysy boıynsha mınıstr B. Kamalıev Avtomobıl joldary komıtetiniń Aqmola oblystyq departamentine jumystardyń ýaqytyly jáne sapaly aıaqtalýyn jáne nysandy belgilengen merzimde paıdalanýǵa berýdi qamtamasyz etýdi tapsyrdy.
