QR Kólik jáne kommýnıkatsııa mınıstri Qyzylorda qalasynda óńirdegi «Batys Eýropa - Batys Qytaı» jobasyn iske asyrýdyń ózekti máseleleri jóninde jınalys ótkizdi

dep habarlaıdy mınıstrliktiń baspasóz qyzmeti. Jınalysqa mınıstrliktiń Avtomobıl joldary komıteti, onyń oblystyq departameni, merdigerlik jáne enshiles merdigerlik kompanııalar men ınjenerlik qyzmet basshylary qatysty.

Jınalysty asha otyryp, mınıstr Berik Kamalıev Elbasynyń ózi bastamashy bolǵan iri «Batys Eýropa - Batys Qytaı» halyqaralyq tranzıttik dálizin qaıta salý» baǵdarlamasynyń iske asyrylýyna asa mán berýi bul jobanyń mańyzdylyǵyn aıǵaqtaıtynydyǵyn atap ótti. Onymen qosa, Prezıdenttiń qyzylordalyq ýchaskedegi qurylys jumystarynyń barysymen tanysýy belgilengen jumys kólemin oıdaǵydaı iske asyrylýyna jaýapkershilikti arttyrýǵa mindetteıdi. Jumys óndirisiniń barlyq kezeńderi tek ýaqytyly ǵana emes, sondaı-aq, sapaly oryndalýy qajet. Qazaqstandyq ýchaskeniń kóp bóligi Qyzylorda oblysy arqyly ótetindikten, merdigerlik kompanııalar, sonymen qatar, jumysqa tartylǵan basqa da uıymdar jumys kestesin qurǵan kezde jumys úrdisi eshqandaı qalyp qoıýshylyq men kidiris bolmaıtyndaı júrgizilýin eskerý kerek.

Mınıstrliktiń Avtomobıl joldary komıteti, onyń oblystyq departamenti basshylarynyń, qurylysty baqylaý jónindegi konsýltanttarynyń aqparattaryn tyńdaǵan soń, mınıstr B.Kamalıev merdigerlik kompanııalardaǵy qyzmetkerler menedjmentin uıymdastyrý jónindegi «Impreza» AQ jáne «Akkord/Okan» BK jol tehnıkasyn jumyldyrý sylbyr ekendigin atady. Osyndaı baǵa «Korporatsııa «Isan»/TOO «Jol-Sapa» qurylysty baqylaý jónindegi konsýltant-kompanııaǵa da berildi. Jumys kóleminiń úlkendigin jáne keıbir enshiles merdigerlik kompanııalardyń kesteden qalyp qoıýyn eskere otyryp, avtomobıl joldary komıtetine jumys óndirisi qarqynyn arttyrý maqsatynda basqa óńirlerden jol kásiporyndaryn tartý múmkindigin qarastyrý tapsyryldy.