QR kólik jáne kommýnıkatsııa mınıstri kóliktik baqylaýdyń óńiraralyq ınspektsııalarynyń basshylarmen keńes ótkizdi
ASTANA. 9 qańtar. qazAqparat - 2012 jylǵy 9 qańtarda QR kólik jáne kommýnıkatsııa mınıstri Berik Kamalıev kóliktik baqylaýdyń óńiraralyq ınspektsııalarynyń basshylarmen keńes ótkizdi, dep habarlady mınıstrliktiń baspasóz qyzmeti.
Keńeste avtokólik quraldaryn mindetti tehnıkalyq baıqaýdan ótkizýdi uıymdastyrý, avtomobıl kóligimen jolaýshylar men júk tasymaldaryn lıtsenzııalaý máseleleri qaraldy.
Búginde Qazaqstanda tehnıkalyq baıqaýdyń 104 jelisiniń (62 turaqty, 42 jyljymaly) jumysy uıymdastyrylǵan. Olar 43 tehnıkalyq baıqaý ortalyqtarynda ornalasqan. Ashylǵan tehnıkalyq baıqaý ortalyqtary týraly barlyq aqparat (meken-jaı, baılanys telefondary) Kóliktik baqylaý komıtetiniń saıtynda (www.transportcontrol.gov.kz ) kórsetilgen
Aǵymdaǵy jylǵy 6 qańtarda kólik jáne kommýnıkatsııa mınıstriniń buıryǵymen Tehnıkalyq baıqaýdan ótý qorytyndylary týraly aqparatty birtutas bazaǵa tapsyrý talaptary bekitildi.
2011 jylǵy shildede Jolaýshy tasymaldaryn lıtsenzııalaý erejeleri bekitildi. Lıtsenzııalaýdy engizý qajettiligi tasymaldar naryǵyna bilikti tasymaldaýshylar men sáıkes jyljymaly quramdy ótkizý, osy arqyly tasymaldar qaýipsizdigin qamtamasyz etý maqsatynan týyndady. Lıtsenzııaǵa qol jetkizý úshin qoıylatyn sharttardyń biri - tahograftardyń bolýy.
Qazirgi tańda jolaýshy tasymaldaryn júzege asyrý quqyǵyn beretin 566 lıtsenzııa tapsyryldy. Turaqty tasymaldardy júzege asyratyn tasymaldaýshylardyń 74 paıyzy lıtsenzııalaryn aldy. Turaqty emes tasymaldarda tasymaldaýshylardyń 33 paıyzy lıtsenzııalandy.
Keńesti qorytyndylaı kele, mınıstr B. Kamalıev kóliktik baqylaý komıteti men onyń óńiraralyq ınspektsııalarynyń basshylaryna zań talaptarynyń lıtsenzııalaý arqyly qatań oryndalýyn qadaǵalaýdy tapsyrdy.
