QR kólik jáne kommýnıkatsııa mınıstri keń aýqymdy máseleler jóninde selektorlyq keńes ótkizdi

Keńestiń jumysyna oblys ákimderiniń orynbasarlary, aýmaqtyq kóliktik baqylaý ınspektsııalarynyń, avtomobıl joldary komıteti departamentteriniń, «Kazavtodor» RMK fılıaldarynyń, merdigerlik kompanııalar men óńirlik áýejaılardyń basshylary qatysty.

Eń aldymen mınıstr B. Kamalıev aldaǵy jańajyldyq merekeler jáne Májilis saılaýyna baılanysty elektoraldy kezeń kúnderi barlyq deńgeıdegi basshylar osy kezeńde óz salasyndaǵy jaǵdaı men jumysqa derbes jaýapty ekendigin atap ótti. Osyǵan oraı, vedomstvolarǵa qarasty kásiporyndardyń jumyskerlerine jalaqy tóleýdi, sondaı-aq, kóliktiń barlyq túrininiń úzdiksiz jumys jasaýyn qamtamasyz etý qajet.

B. Kamalıev azamattyq avıatsııa týraly máseleni qaraǵan kezde, avıakerosınmen turaqty qamtamasyz etý boıynsha jumystar júrgizý kerektigine nazaryn aýdardy. Sondaı-aq, Pavlodar oblysy ákiminiń saýalyna baılanysty jańa jyl kúnderi Astana - Pavlodar - Astana jáne Almaty - Pavlodar - Almaty avıareısterin júzege asyrý máselesi sheshildi. Sonymen qatar, aýa raıynyń jaqsarýyna baılanysty Astana jáne Almaty qalalarynan Aqtóbege áýe kemeleriniń ushýy qaıta jandandy.

Respýblıkalyq mańyzy bar avtojoldarda qozǵalysty qamtamasyz etýge qatysty jalpy respýblıka boıynsha qardy tazartý jumystaryn júrgizý úshin 1236 tehnıka bar. Kún saıyn kásiporynnyń saıtynda respýblıkalyq joldardaǵy operatıvti jaǵdaı boıynsha aqparat ornalastyrylady. Aýa raıy jaǵdaılaryna baılanysty joldardyń kúrdeli jabyq ýchaskelerinde vıdeotúsirilimdi kórsetý uıymdastyrylǵan. Aǵymdaǵy jyly aýa raıynyń jaǵdaıy týraly aqparatpen almasyp turatyn 33 jaryqdıodty jol belgileri satyp alyndy.

Aqparatty tyńdaı kele, mınıstr B. Kamalıev «Kazavtodor» RMK basshylyǵyna bıyldyń ózinde qańtar aıyna jetkilikti janar-jaǵarmaıdy satyp alýdy, sondaı-aq, aýa raıynyń qolaısyzdyǵyna baılanysty, ásirese, mereke kúnder, avtojoldardy qadaǵalaýdy kúsheıtýdi jáne jurtshylyqty joldardyń jabylǵandyǵy jóninde ýaqytyly habarlaýdy qamtamasyz etýdi tapsyrdy.

Selektorlyq keńeste tehnıkalyq baqylaý ortalyqtarynyń daıyndyǵy men atqarylǵan jumystar jaıly jáne jolaýshylardy tasymaldaýdy lıtsenzııalaý barysy týraly máseleler tyńdaldy.

2012 jylǵy 1 qańtardan bastap kólik quraldaryna tehnıkalyq baqylaý júrgizý tolyǵymen jeke menshik ortalyqtar oryndaıtyndyqtan, mınıstrlik Qazaqstannyń barlyq óńirlerinde tehnıkalyq baqylaý ortalyqtarynyń jumysyn uıymdastyrý jóninde qajetti sharalar iske asyryldy. Endi tehnıkalyq baqylaýdy kólik quralynyń tirkeý ornyna qarmastan óte berýge bolady. Mobıldi jeliniń mindetti túrde bolýy aýyldyq jerlerdi de qamtýǵa múmkindik beredi. Sonymen qatar, júrgizýshiler úshin tehnıkalyq baqylaýdy ótý úshin qajetti qujattar tizimi qysqartyldy, sondaı-aq, bıýdjetke tólemder joıyldy.

B. Kamalıev oblystyq ákimdikterdiń ókilderine barlyq máselerdi birlesip operatıvti sheshý arqyly tehnıkalyq baqylaý ortalyqtaryn ýaqytyly uıymdastyrýǵa múmkindik beretinin jáne Qazaqstannyń barlyq óńirlerinde ony tıisti deńgeıde júrgizýdi qamtamasyz etetinin atap ótti.

Ústimizdegi jylǵy shilde aıynan bastap jolaýshy tasymalyn lıtsenzııalaý erejeleri kúshine endi. Lıtsenzııalaý kásibı tasymaldaýshylar men sáıkes bolatyn kólikke jolaýshylar tasymaly naryǵyna jol berý arqyly tasymal qaýipsizdigin qamtamasyz etý úshin qajet. Búgingi tańda jolaýshylar tasymalyn júzege asyrý quqyǵyn beretin 554 lıtsenzııa berildi. Turaqty tasymalyndaǵy tasymaldaýshylardyń 70 % qajetti lıtsenzııalaryn aldy. Turaqty emes tasymaldaǵy tasymaldaýshylardyń 30 %-da lıtsenzııalanǵan.

«Batys Eýropa - Batys Qytaı» jobasy boıynsha 2012 jylǵy materıaldardy daıyndaý barysy jóninde avtomobıl joldary komıtetiniń tóraǵasy Zamır Saǵynov málimdedi.

Selektorlyq keńes nátıjeleri boıynsha B.Kamalıev qarastyrylǵan máseleler jóninde hattamalyq tapsyrmalar berdi.