QR Kólik jáne kommýnıkatsııa mınıstri avtojol salasyndaǵy merdigerlik kompanııalardyń basshylarymen keńes ótkizdi

dep habarlady atalmysh vedomostvonyń baspasóz qyzmeti.

 «Batys Eýropa - Batys Qytaı» halyqaralyq tranzıttik dáliziniń ýchaskelerin, sondaı-aq, Almaty-Astana-Petropavl, Samara-Shymkent, Omby-Maıqapshaǵaı, Beıneý-Aqtaý, Astana-Qostanaı-Chelıabınsk jáne Taskesken-Bahty avtomobıl joldarynyń ýchaskelerin qaıta salý jumystary jalǵasatyn bolady. Bıýdjettiń negizgi úlesi «Batys Eýropa - Batys Qytaı» jobasyna tıesili, onyń iske asyrylýyna 179 mlrd.teńge bólindi.

Aǵymdaǵy jylǵy jumystar nátıjesi boıynsha Jambyl jáne Qyzylorda oblystary aýmaǵynda 750 km jolda kólik qatynasy ashylady.

Respýblıkalyq bıýdjetten júzege asyrylatyn basqa salý jáne qaıta salý jobalary boıynsha jumystar uzaqtyǵy 1 228 km quraıtyn 35 nysanda júrgiziledi, sonyń ishinde, 18 - jańa (662 km) jáne 17 - jalǵastyrylatyn (566 km) joldar.

Avtojoldardy jóndeýge jáne kútip-ustaýǵa 27 mlrd. teńge bólindi. Osy qarajattyń esebinen 1 245 km jóndeledi. Kúrdeli jóndeýge 9 mlrd. teńge baǵyttaldy. Barlyǵy 58 km jolda kúrdeli jóndeý jáne 28 kópirdi jóndeý josparlanǵan.

 9 mlrd. teńge somasyna 1 187 km jolda ortasha jóndeý júrgizý josparlanýda. Aǵymdaǵy jóndeýge jáne respýblıkalyq mańyzy bar joldardy kútip-ustaýǵa da 9 mlrd. teńge bólindi.

Keńestiń qorytyndysy boıynsha mınıstr avtomobıl joldary komıtetine, merdigerlik uıymdarǵa ár ýchaske boıynsha jol qurylys materıaldaryn daıyndaý jáne jetkizýdyń naqty kestesin jasaý, bıýdjettik qarjylardyń ýaqytyly ıgerilýine tıisti qadaǵalaýdy qamtamasyz etýdi tapsyrdy.