QR Kólik jáne kommýnıkatsııa mınıstri «Aqtóbe - Martók - RF shekarasy» avtomobıl joly ýchaskesinde boldy
ASTANA. 28 qazan. QazAqparat - 28 qazanda QR Kólik jáne kommýnıkatsııa mınıstri Berik Kamalıev Aqtóbe oblysyna jasaǵan issapary kezinde «Aqtóbe - Martók - RF shekarasy» avtomobıl jolynyń ýchaskesindegi jumys barysymen tanysty.
Bul týraly mınıstrliktiń baspasóz qyzmetinen habarlady.
Osy ýchaskedegi qurylys jumystaryn Túrkııanyń «Djengız Inshaat» bas merdigerlik kompanııasy atqarýda. Al Frantsııa men Qazaqstannyń birlesken Egis International/Kazdorproekt qurylys kompanııasy - baqylaýshy konsýltant.
Jobanyń jalpy somasy 13 989 mln.teńgeni quraıdy. Aǵymdaǵy jyly 6 300 mln.teńgeni ıgerip, 40 shaqyrym jol salý josparlanýda.
Negizgi jol jumystary men sý qubyrlarynyń qurylysyn oryndaýǵa «Ivrýs» JShS enshiles kompanııasy tartyldy.
Merdiger kompanııanyń Aqtóbe qalasynda tolyǵymen paıdalanýǵa berilgen óziniń zerthanasy bar. Mundaı zerthanaǵa enshiles merdiger kompanııasy da ıe.
Bas merdiger jáne enshiles merdiger kompanııalarda aǵymdaǵy jylǵy kestedegi jumystardy oryndaý úshin qajetti tehnıkalyq jáne adamı resýrstar jetkilikti. Jospardaǵy 132 tehnıkanyń ornyna 235-i tartyldy. 415 adamnyń ornyna ýchaskede 752 adam jumys jasaýda.
Anyqtama: 2011 jyldyń 28 qazanyndaǵy jaǵdaı boıynsha, «Aqtóbe - Martók - RF shekarasy» avtomobıl joly ýchaskesine 1 116,52 myń tekshe metr jer tósenishi tóseldi (jyldyq jospardan 76%); 37,21 myń shaqyrym jamylǵy qabaty salyndy (93%); jospardaǵy 40 shaqyrym negizdiń 36,6 shaqyrymy tóseldi (92%); jospardaǵy 40 shaqyrym asfaltty-betonnyń 34,9 shaqyrymy tóseldi (87%); jerdiń tómengi qabatynda josparlanǵan 40 shaqyrymdyq jumystardyń 35,44 shaqyrymy oryndaldy (89%).
