QR QOQM Ekologııalyq retteý jáne baqylaý komıtetiniń burynǵy tóraǵasyna memleketaralyq izdeý jarııalandy - qarjy polıtsııasy
ASTANA. 10 qyrkúıek. QazAqparat - Aǵymdaǵy jylǵy 24 aqpanda QR Ekonomıkalyq qylmysqa jáne sybaılas jemqorlyqqa qarsy kúres agenttigi Qorshaǵan ortany qorǵaý mınıstrliginiń Ekologııalyq retteý jáne baqylaý komıtetiniń laýazymdy tulǵalaryna qatysty
2011 jylǵy 30 qazanda túngi ýaqytta oryn alǵan Shyǵys Qazaqstan oblysynyń Sekısovka ózenine zııandy zat - tsıanıdti tastaýǵa zańsyz ruqsat bergeni úshin 2 taý-ken kásiporynynyń ókilinen 100 myń AQSh dollary kóleminde para alý faktisi boıynsha qylmystyq is qozǵaǵan bolatyn. Bul týraly qarjy polıtsııasynyń baspasó qyzmeti habarlady.
Atalǵan qylmysty jasady degen kúdikpen 2012 jylǵy 28 aqpanda Ekologııalyq retteý jáne baqylaý komıteti tóraǵasynyń orynbasary S.Tórekeldıev ustaldy. Aǵymdaǵy jylǵy 2 naýryzda ol sot sanktsııasymen qamaýǵa alyndy.
Tergeý barysynda atalǵan qylmysty jasaýǵa Ekologııalyq retteý jáne baqylaý komıtetiniń burynǵy tóraǵasy S.Mutashevtiń qatystylyǵy belgili boldy. Osylaısha aǵymdaǵy jylǵy 19 maýsymda Mutashev pen Tórekeldıevke qatysty meleketke 1,4 mlrd. teńge zalal keltirgen qyzmettik ókilettigin teris paıdalaný faktisi boıynsha qylmystyq is qozǵaldy.
Oǵan qosa Mutashev Ekologııalyq departamentterdiń biriniń bastyǵynan 2011 jylǵy qyrkúıekten 2012 jylǵy qańtarǵa deıin benzınniń talondary túrindegi jalpy somasy 132 myń teńge para aldy dep aıyptalýda.
Mutashev tergeý organdarynan boı tasalaǵandyǵynan 2012 jylǵy 25 tamyzda oǵan qamaýǵa alý týraly sot sanktsııasymen memleketaralyq izdeý jarııalandy.
Qylmystyq ister tergelýde, ózge aqparat tergeý múddesine baılanysty jarııalanbaıdy.
