QR QOQM-de balyq sharýashylyǵy salasyn damytýdyń ózekti máseleleri talqylandy
ASTANA. 18 qazan. QazAqparat - Astanada Qazaqstan Respýblıkasy Qorshaǵan ortany qorǵaý mınıstri Nurlan Qapparov QR QOQM janyndaǵy orman, ańshylyq jáne balyq sharýashylyǵy jónindegi Qoǵamdyq keńestiń balyq sharýashylyǵy sektsııasynyń otyrysyn ótkizdi.
Bul týraly vedomstvonyń baspasóz qyzmetinen habarlady.
Keńestiń bul sektsııasy janýarlar dúnıesin qorǵaý, ósimin molaıtý jáne paıdalaný, halyqaralyq tájirıbeni endirý jáne ınvestıtsııalardy tartý salalaryn retteıtin zańnamany jetildirýge baǵyttalǵan usynystar berý maqsatynda qurylǵan.
Otyrys barysynda balyq sharýashylyǵy salasyn damytýdyń ózekti máseleleri talqylandy, memlekettik quzyrly organdar men balyq sharýashylyǵy qaýymdastyǵynyń arasyndaǵy ózara is-qımyl tıimdilgin arttyrý boıynsha usynystar engizildi.
Keńes músheleri balyq resýrstary ósimin molaıtý keshenin basqarý qurylymyn jáne jeke tabıǵat paıdalanýshylarǵa bekitilgen tabıǵı sý aıdyndaryna balyq jiberý mehanızmin jetildirý máselelerine toqtaldy.
Basqosý barysynda «Kazahrybhoz» balyqshylardyń qoǵamdyq birlestikteri men balyq sharýashylyǵy sýbektileriniń Respýblıkalyq qaýymdastyǵy qyzmetiniń jospary jáne balyq sharýashylyǵy salasyndaǵy normatıvtik quqyqtyq aktilerdi jetildirý boıynsha birqatar usynystar qarastyryldy.
Otyrystyń qorytyndysy boıynsha Balyq sharýashylyǵy komıteti janynda Keńes músheleriniń usynystaryn zerdeleý jónindegi jumys tobyn qurý týraly sheshim qabyldandy.
