QR QM: Qazaqstandyq áskerı teńizshiler «Kaspıı teńizi - 2015» baıqaýynda - ekinshi orynda (FOTO)
Alǵashqy jaýyngerlik oq atýlardyń nátıjeleri boıynsha «Saryarqa» zymyran-artıllerııalyq korabliniń ekıpajy ekinshi orynǵa taban tiredi. Áskerı teńizshilerimizdiń komandasyn az ǵana upaımen «Grad Svııajsk» shaǵyn artıllerııalyq korablinde reseılik teńizshiler ozyp ketti.
Jerebege sáıkes jaýyngerlik mindetti birinshi bolyp oryndaý kúrdeli tapsyrmasy bizdiń komandaǵa buıyrdy. Ekinshi - Reseı, úshinshi Ázirbaıjan ÁTK teńizshileri boldy.
Baıqaý erejeleri boıynsha árbir korabl 12 torap jyldamdyǵynda berilgen baǵdar boıynsha bir aınalymnan ótýi tıis. Sodan keıin belgi boıynsha kútý aýdanynan jaýyngerlik jattyǵýlardy oryndaý sektoryna kóship, jarqyraǵysh avıatsııalyq bomba túrindegi áýe nysanasyn, júzbeli mına men shaǵyn kólemdi teńiz nysanasyn barynsha dál joıýdy júzege asyrady. Oq atýlardy aıaqtap, máre shebine kóshedi.
Tapsyrmany oryndaý kezinde teńizshilerimiz mına syzbanusqasy boıynsha oq atýda úzdik boldy. Olar tórt ret nysanany sátti joıdy, reseılik teńizshiler nysanany úsh ret joısa, Ázirbaıjan ÁTK komandasy nysanaǵa tıgizgen joq.
Bul baıqaýdyń birinshi qorytyndysy ǵana ekenin atap ótken jón. Kaspıı teńizindegi shaıqas jalǵasýda. Teńizshilerimizdiń ózge aınalymdarda qosymsha upaı jınap, saıys kóshbasshysy bolýǵa múmkindigi mol.