QR QM: «Barlaýshy joly» - úsh metr bıiktiktegi arqannan jasalǵan kópirden ótý jýrnalıster úshin úlken synǵa aınaldy (FOTO)
Arnaıy maqsattaǵy bólimshelerdiń daıarlyǵyna engizilgen sabaq bul semınardyń jańalyǵy boldy, dep habarlaıdy QR Qorǵanys mınıstrliginiń baspasóz qyzmeti. Osylaısha tilshiler «barlaýshy jolymen», ıaǵnı áskerı jaǵdaıda barynsha jıi kezdestiretin kedergilermen jáne qorshaýlarmen jabdyqtalǵan jer ýchaskelerinen ótýge tamasha múmkindik aldy. Jýrnalıster bir-birtindep «barlaýshy jolynyń» negizgi elementteri - úsh metr bıiktiktegi arqannan jasalǵan kópirden ótti. Bul jattyǵýlar jaýyngerlik is-qımyl barysynda toptasyp ótýdiń jınaqylyǵyn pysyqtaý bolyp tabylady. Top quramyndaǵy adamnyń bireýi kópirden ótýdi meńgerý tehnıkasyn buzsa, kópir qatty shaıqalyp, sáıkesinshe odan ótý barynsha aýyrlaı túsetini jýrnalıster úshin birinshi qıynshylyq boldy. «Bul kópir maǵan úlken synaq boldy. Eń qyzyǵy, jerde turyp qaraǵanda kópirden ótý óte ońaı kórindi. Degenmen oǵan aıaq basqanym sol edi, ol meniń salmaǵymmen shaıqala bastady, basqa adamdardyń salmaǵyna qaraı tepe-teńdikti saqtaý jáne ótý tipti qıyn. Shyndyǵynda bárin umytyp, bul kópirden jyldam ótý kerek», - dep bólisti óz sezimimen semınarǵa qatysýshylardyń biri. Uıymdastyrýshylardyń aıtýynsha, bul joly jýrnalısterdiń psıhologııalyq daıarlyǵyna erekshe mán berilgen. BAQ ókilderine arnap tanysýǵa, ujymǵa birigýge baǵyttalǵan psıhologııalyq jattyǵýlar, oıyndar ótkizdi. Osy oraıda jýrnalıster qarýly qaqtyǵystar aýmaǵyna qajetti qolaılylyq jasap, ujymdy sezinýge jáne damytýǵa septigin tıgizdi. Budan ózge bir oqıǵa kezinde birinshi ret ózara is-qımylǵa qatysqan serigine senim bildirý de mańyzdy bolyp sanalady.