QR QM: Áskerı jýrnalısterdi daıyndaý boıynsha alǵashqy tájirıbelik semınar aıaqtaldy (FOTO)
Qorǵanys mınıstrligi baspasóz qyzmetiniń habarlaýynsha, búgin, 10 shildedegi qorytyndy kúni jýrnalısterge alǵashqy medıtsınalyq kómek kórsetý negizderi, qazaqstandyq armııanyń jaraqtandyrýyndaǵy qarý kórmesi kórsetildi. Sondaı-aq polıgonda jaýyngerlik qarýdan kórsetilimdi oq atýlar uıymdastyryldy. Osy oqıǵanyń sońǵy núktesi peıntbol oınaý boldy. Ol jýrnalıster men QR QM arnaıy bólimsheleriniń áskerı qyzmetshilerinen quralǵan eki komanda arasynda ótti.
Praktıkalyq semınardy qorytyndylaı otyryp, úsh kún ishinde jetekshi telearnalardyń, radıostantsııalardyń, respýblıkalyq gazetter men jýrnaldardyń, aqparattyq agenttikterdiń jýrnalısteri «ystyq núktelerde» jumys isteýge qatysty jáne áskerı oqıǵalardy jaryqqa shyǵarý erekshelikteri týraly kóp tyń jańalyq aldy. Olar shartty sodyrlardyń avtomobıldi legine kenetten shabýyl jasaý kezinde kepil retinde boldy, arnaıy maqsattaǵy jaýyngerlermen birge zańsyz bandquralymdardyń ókilderi ornalasqan eldi mekendi tazartýǵa qatysty, qarýdyń jáne jarylǵysh zattardyń keıbir túrleri, qaýipsizdik sharalary, artıllerııa jáne granataatqyshtarmen atyp ótý kezinde ózin-ózi ustaý qaǵıdalary, mınalyq alańdardy aınalyp ótý ádisteri týraly málimet aldy.