QR QM áskerı bilim berý júıesinde emtıhan tapsyrý naýqany bastaldy
«Kýrsanttar ýaqtyly emtıhan tapsyrýǵa qushtar, sebebi olardyń demalys merzimi osyǵan tikeleı baılanysty. Ýaqytynda emtıhan tapsyrylsa, úıge josparlanǵan sapar júzege asady, al qaıtadan tapsyrýǵa qalsa, demalystyń altyn ýaqytyn joǵaltady», dep atap ótedi QR QM baspasóz qyzmeti.
Qazirgi tańda Qazaqstanda ofıtser mamandaryn úsh áskerı oqý orny ázirleıdi. Olar Radıoelektronıka jáne baılanys áskerı ınjenerlik ınstıtýty, Qurlyq áskerleri men Áýe qorǵanysy kúshteriniń áskerı ınstıtýty.
Jalpy Qazaqstannyń Qorǵanys mınıstrliginiń áskerı bilim berý júıesine alty áskerı oqý orny kiredi. Áskerı ınstıtýttarmen qatar jas azamattar «Jas ulan» respýblıkalyq áskerı mektebi, Kadet korpýsynda orta jáne orta arnaýly bilim alady. Bul oqý oryndarynyń túlekteri búginde emtıhandaryn tapsyryp demalysta júr. Joǵary oqý ornyn bitirgennen keıin Ulttyq qorǵanys ýnıversıtetinde bilim alýǵa bolady. Onyń tyńdaýshylary bolyp ofıtserler sanalady, olar da kýrsanttar sııaqty emtıhandar tapsyrady. Bulardy tek kanıkýldan ǵana emes, bolashaqta general bolýdan úmitkerler dese de bolady.
Shetelde oqyp júrgen qazaqstandyq kýrsanttar da emtıhandaryn tapsyryp bolyp, óz Otandarynda taǵylymdamadan ótýde.