QR QM armııalyq sportshylary prezıdenttik kópsaıystan altyndy ıelendi

ASTANA. QazAqparat - QR Qorǵanys mınıstrligi Armııa ortalyq sport klýbynyń sportshylary Qazaqstannyń Ulttyq quramasy quramynda búgin Reseı Federatsııasynyń ıAlta qalasynda aıaqtalǵan prezıdenttik kópsaıystan (polıatlonnan) halyqaralyq chempıonatta jeke esepte altyn jáne qola medaldaryn ıemdendi, dep habarlady mod.gov.kz.

Halyqaralyq sporttyq arenada elimizdiń namysyn AOSK-nyń kishi serjanty Elena Lıýtenets, AOSK-nyń qyzmetkeri Artýr Balzam elimizdiń namysyn qoldan bermedi. Jeke synaqta Artýr Balzam bes túrdiń qorytyndysy boıynsha birinshi orynǵa shyǵyp, altyn medalmen marapattaldy, al kishi serjant Elena Lıýtenets úshinshi oryn alyp, qola júldeni ıemdendi. Qazaqstandyq sportshylar sporttyń birneshe túri: oq atý, sprınt, júzý, granata laqtyrý jáne krosstan óner kórsetti. Prezıdenttik kópsaıys boıynsha halyqaralyq chempıonatqa álemniń 13 elinen 196 sportshy qatysqanyn atap ótken jón. Saıys qorytyndysy boıynsha eki áskerı qyzmetshi óner kórsetken Qazaqstannyń ulttyq quramasy ekinshi jalpykomandalyq orynǵa qol jetkizdi.