QR KKM týrıstik operatorlarǵa joldama satýǵa tyıym salýy múmkin
ASTANA. QazAqparat - Jurtty zar qaqsatyp júrgen týrıstik operatorlarǵa tyqyr taıandy. Endi olarǵa áýe tasymalymen aınalysatyn kompanııalarmen tıisti kelisimge otyrmaı bılet satýǵa zań boıynsha tyıym salynbaq. Búgin Kólik jáne kommýnıkatsııa mınıstrligi osyndaı bastama kóterdi, dep habarlaıdy KTK.
Osylaısha, mınıstrlik jolaýshylardy jyldaǵy sergeldeńnen qutqarmaq. Sebebi jýyrda Astana, Almaty, Aqtóbe jáne Óskemende shetelge tynyǵýǵa ushpaq bolǵan júzdegen týrıst áýejaıdan ary asa almaı sonda táýliktep túnep qalǵan edi. Óıtkeni týroperatorlar jolaýshylardy demalys ornyna jetkizetin áýe kompanııalarymen kelisimshartqa otyrmaı bılet satqan. Zardabyn qarapaıym halyq tartyp josparlaǵan demalysy úzildi. Endi Kólik mınıstrligi týrıstik operatorlar ushaq máselesin sheshpeıinshe, bılet satýlaryna zań júzinde tyıym salmaq oıda.
