QR KKM men «KAZLOGISTICS» kólik-logıstıkalyq keshendi odan ári damytý jóninde jospardy bekitti
ASTANA. QazAqparat - Kólik jáne kommýnıkatsııa mınıstrligi men Qazaqstan kólik qyzmetkerleriniń «KAZLOGISTICS» Odaǵynyń basshylyǵy Qazaqstan Respýblıkasynyń kólik-logıstıkalyq keshenin odan ári damytýdyń jáne kólik salasynyń ózekti máselelerin sheshýdiń 2014 jylǵa arnalǵan birlesken is-qımyl josparyn bekitti.
«Onyń ishinde birlesken jumys Dúnıejúzilik Bank (LPI) logıstıkasynyń tıimdilik ındıkatoryn arttyrý, Doing business-tiń Halyqaralyq saýdanyń kólik qujattaryn ońtaılandyrýǵa, avtomobıl, temirjol, avıatsııa, teńiz jáne ózen kóliginiń qozǵalmaly quramyn jańartý men tolyqtyrýǵa baılanysty ındıkatoryn arttyrýǵa baǵyttalady. Jalpy jospar 57 basym sharalardan turady», - delingen QR KKM málimetinde.
Aıta keteıik, Kólik qyzmetkerleriniń «KAZLOGISTICS» odaǵy kólik salasynyń biryńǵaı qoǵamdyq birlestigi bolyp sanalady. Ol barlyq kólik qaýymdastyqtarynyń, ǵylymı-zertteý ınstıtýttardyń jáne ekspedıtsııalyq kompanııalardyń basyn quraıtyn, sondaı-aq barlyq kólik qyzmetkerleriniń múddesin qorǵaıtyn biryńǵaı kóliktik qoǵamdyq birlestik bolyp esepteledi.
