QR KKM qyzmetkerleri jyl basynan tehnıkalyq baıqaýdy ótkeni týraly 678 jasandy kýálikterdi tapty
ASTANA. 12 jeltoqsan. QazAqparat - Tehnıkalyq baıqaýdy ótkeni týraly jasandy kýálikterdi ótkizý faktileri boıynsha barlyq materıaldar is júrgizý sheshimderin qabyldaý úshin quqyq qorǵaý organdaryna jiberildi. Jyl basynan tehnıkalyq baıqaýdy ótkeni týraly 678 jasandy kýálikter anyqtaldy.
«Qazirgi ýaqytta jasandy kýálikter blankterin ótkizgen tulǵalarǵa qylmystyq is qozǵaý úshin tergeý isteri júrgizilýde. QR Qylmystyq kodeksiniń 325-babyna sáıkes jalǵan qujattardy qoldan jasaǵany jáne ótkizgeni úshin eki jyldan tórt jylǵa deıingi merzimge bas bostandyǵynan aıyrýǵa jazalanatyny týraly eske salǵan jón. Qazir avtokólik kuralynyń tehnıkalyq baıqaýdan ótý nátıjeleri onlaın rejımde QR Kólik jáne kommýnıkatsııa mınıstrliginiń «Tehnıkalyq baıqaý» biryńǵaı aqparattyq júıesine túsedi, sodan keıin QR Іshki ister mınıstrliginiń derekter qoryna avtomatty túrde jiberiledi», - delingen QR KKM baspasóz qyzmeti málimetinde.
Ákimshilik polıtsııa qyzmetkerlerimen jol boıynda, sonyń ishinde «Shekara» beketterinde, avtokólik quralynyń tehnıkalyq baıqaýdan ótý faktileri qyzmettik kólikterdegi borttyq termınaldardy qoldaný kómegimen derekter qorynda qaıta tekseriledi.
QR ІІM Ákimshilik polıtsııa komıtetiniń málimeti boıynsha aǵymdaǵy jyldyń 11 aıynda tehnıkalyq baıqaýdan ótpegen avtokólik quralyn júrgizgen 50732 avtokólik ıeleri tabylyp, sonyń ishinde elektrondyq baqylaý júıesiniń kómegimen ákimshilik jaýapkershilikke tartyldy.
Kólik jáne kommýnıkatsııa mınıstrliginde Tehnıkalyq baıqaý operatorlary qaýymdastyǵynyń qatysýymen ótken keńes barysynda operatorlarǵa avtokólik quraldarynyń tehnıkalyq baıqaýdan ótýde qajet rásimderdi saqtaý boıynsha ishki baqylaýdy qamsyzdandyrý usynyldy.
Kólik baqylaý ınspektsııasymen baıqaý sapasyn men ádildigin qamsyzdandyrý sharalary sheńberinde baıqaýdy uıymdastyrý jáne ótkizý tártibin buzǵany úshin jyl basynan ákimshilik jaýapkershilikke 102 tehnıkalyq baıqaý operatorlary tartyldy, 21 operator Tehnıkalyq baıqaý ortalyqtary tiziliminen shyǵaryldy.
Avtokólik ıeleriniń yńǵaılyǵy úshin «eisto.kz» saıtynda avtokólik quralynyń tehnıkalyq baıqaýdan ótkeni týraly aqparatty tekserý qyzmeti iske qosylǵanyn belgilegen jón.
Odan basqa, «Jol qozǵalysy týraly» QR zańynyń jobasy sheńberinde tehnıkalyq baıqaýdan ótkeni týraly kýálikterdi joıý uıǵarylǵan. Bul júrgizýshige qajet qujattar sanyn yqshamdap, tehnıkalyq baıqaýdan ótkeni týraly jasandy kýálikterdi qoldanýyn boldyrmaýǵa, sonymen birge kólik quralynyń tehnıkalyq baıqaýdan ótý ádildigin arttyrýǵa múmkindik beredi.
