QR KKM Kóliktik baqylaý komıteti poıyzǵa bıletsiz mingen jolaýshyny anyqtaý sharalaryn jalǵastyrýda
ASTANA. 31 tamyz. QazAqparat - «Almaty - Aqtóbe» baǵytyndaǵy №33 jolaýshylar poıyzyna Qyzylorda - Josaly ýchaskesinde júrgizilgen tekserý kezinde 91 jolaýshynyń bıletsiz mingeni anyqtaldy.
Bul týraly búgin QR Kólik jáne mınıstrliginiń baspasóz qyzmeti habarlady. Atalǵan fakti boıynsha, atap aıtqanda Temir jol kóligimen jolaýshylardy, qol júgin jáne bagajdy tasymaldaý erejesin buzǵany úshin poıyz brıgadasynyń jumysshylary ákimshilik jaýapkershilikke tartyldy.
2012 jylǵy 10 shildede qabyldanǵan «Memlekettik organdardyń baqylaý jáne qadaǵalaý qyzmetin ońtaılandyrý jáne ruqsat qujattaryn qysqartý boıynsha Qazaqstan Respýblıkasynyń keıbir zańnamalyq aktilerine ózgertýler men tolyqtyrýlar engizý týraly» Qazaqstan Respýblıkasynyń Zańyna sáıkes, kóliktik baqylaý organdary temir jol kóliginde jolaýshylardy, qol júgin jáne bagajdy tasymaldaý erejesiniń saqtalýyna tekserý júrgize alady.
Jazǵy mezgilde jolaýshylardy tasymaldaý boıynsha júrgizilgen tekserý qorytyndysy men anyqtalǵan ereje talaptaryn oryndamaý faktileri aǵymdaǵy jyldyń qyrkúıek aıynda mınıstrlikte barlyq tasymaldaýshylardyń qatysýymen qaralatyn bolady.
