QR KKM basshysy respýblıkalyq áýejaılardaǵy qyzmet kórsetý sapasy jónindegi keńesti ótkizdi

«Memlekettik áýejaılardyń basshylary áýejaılardy jolaýshylarǵa qyzmet etý standarttaryna keltirý jónindegi ótkizilip jatqan jumystar týraly aıtty. Sonymen birge Azamattyq avıatsııa komıtetiniń tóraǵasy Beken Seıdahmetov áýejaılardyń kóp bóligi jolaýshylarǵa qyzmet kórsetý standarttaryna áýejaılardyń sáıkestiligine júrgizgen tekseris barysynda Komıtetpen tabylǵan eskertýlerdi túzemegeni týraly aıtyp berdi», - delingen QR KKM baspasóz qyzmetiniń málimetinde.

«Kóptegen áýejaılarda búgingi kúnge deıin avtomattandyrylǵan saqtaý kameralary, dárihanalar, aıyrbastaý pýnktileri joq. Tehnologııalyq aımaqtar men aýdandar tıimsiz josparlanǵan. Teletraptardyń, bagaj taspasynyń, arnaıy tehnıkanyń jetispeýi, múmkindikteri shekteýli jolaýshylarǵa qyzmet kórsetý burynǵydaı ózekti másele bolyp tur»,-dedi B. Seıdahmetov.

Ol sonymen birge avıatsııalyq qaýipsizdik qyzmeti qyzmetkerleriniń ózderiniń fýnktsıonaldy mindetterin jáne negizgi normatıvti qujattardy tómen deńgeıde biletini, áýejaı qyzmetteriniń jumys sapasyn ishki baqylaýdy ótkizý tek qaǵaz júzinde ekenin belgiledi.

Kezdesý nátıjesi boıynsha Asqar Jumaǵalıev Azamattyq avıatsııa komıtetine áýejaılarmen basqarý kompanııasymen birlesip ushý qaýipsizdigi men avıatsııalyq qaýipsizdik deńgeıin arttyrý jónindegi máselelerdi asa mańyzdy baqylaýǵa alýdy, sonymen qatar áýejaılardaǵy qyzmet kórsetý sapasyn arttyrý, atap aıtqanda múmkindikteri shekteýli adamdarǵa qyzmet kórsetýdi jaqsartý boıynsha jedel shara qoldanýdy tapsyrdy.

Sonymen qatar Astana, Aqtóbe jáne Boraldaı qalalarynyń áýejaılaryna jyldyń sońyna deıin qajet sertıfıkattardyń joq bolýy jónindegi suraqtar boıynsha túsinikteme hatty berý jáne kináli tulǵalarǵa tártiptik jaza sharalaryn qoldaný júkteldi.