QR QK jeke quramynyń 100 paıyzy daýys berýdi aıaqtady (FOTO)
Saǵat 9.30-daǵy jaǵdaı boıynsha Qazaqstan Respýblıkasy Qarýly Kúshteri jeke quramynyń 100 %-y daýys berýdi aıaqtady. Tańsáriden bastap QR Qorǵanys mınıstrligi basshylyq quramynyń ókilderi, generalıtet, QR QK Qurlyq áskerleriniń bas qolbasshysy general-leıtenant Murat Maıkeev, Áskerı-teńiz kúshteriniń bas qolbasshysy kontr-admıral Jandarbek Janzaqov jáne Áýe qorǵanysy kúshteriniń bas qolbasshysy avıatsııa general-maıory Nurlan Ormanbetov saılaý ýchaskelerinde óz tańdaýlaryn jasap, daýys berdi. Áskerı qyzmetshiler joǵary belsendilik tanytyp, barsha otbasylarymen saılaý ýchaskelerine keldi.
Áskerı bólimder men mekemelerdiń aýmaqtarynda qurylǵan 20 saılaý ýchaskesinde daýys berý saǵat 7.30-da aıaqtalǵanyn aıta keteıik.
Kezekten tys saılaýda daýys berýge QR Qarýly Kúshteriniń ókilderi men olardyń otbasy músheleri qatysty. Olardyń arasynda Qorǵanys mınıstrligi, Bas shtaby men QR Qarýly Kúshter qurylymdyq bólimsheleriniń, ortalyq baǵynystaǵy bólimder men mekemelerdiń, QR QK Qurlyq áskerleri, Áýe qorǵanysy kúshteri, Áskerı-teńiz kúshteri áskerı bólimderiniń, áskerı oqý oryndary men jergilikti áskerı basqarý organdarynyń áskerı qyzmetshileri bar.
Dál osy ýaqytta shet elderiniń joǵary oqý oryndarynda, ıaǵnı, Reseı Federatsııasy, Belarýs Respýblıkasy, Ýkraına, Túrik Respýblıkasy, Ońtústik Koreıa, Amerıka Qurama Shtattary, Qytaı Halyq Respýblıkasy jáne Ulybrıtanııada bilim alyp júrgen 180-ge jýyq áskerı qyzmetshi de kezekten tys saılaýǵa qatysty.
Áskerı bólimder men mekemelerdiń aýmaqtarynda qurylǵan saılaý ýchaskelerinde saılaý zańnamasynyń buzylýy bolǵan joq.
Qazaqstandyq armııanyń áskerı qyzmetshileri azamattyq boryshty oryndaý, tańdaý jasaý jáne árbir daýystyń mańyzdy ekenin jete túsinedi. Sondyqtan QR Qarýly Kúshteriniń barlyq áskerı bólimderi, qurylymdyq bólimsheleri men mekemeleri jappaı kezekten tys saılaýǵa belsene qatysty.
