QR QK jańa jobasy boıynsha jemqorlardyń zańdy jolmen tapqan múlkinen basqanyń barlyǵy tárkilenedi
Bul týraly búgin QR Parlamenti Senatynda ótken «Qylmystyq quqyq pen protsestiń konstıtýtsııalyq-quqyqtyq problemalary» atty konferentsııada QR Bas prokýrorynyń birinshi orynbasary Iogan Merkel aıtty.
«Halyqaralyq tájirıbeni eskere otyryp, tárkileý jazasyn qoldaný kezinde jemqordyń zańdy jolmen tapqan dúnıe-múlkinen basqanyń barlyǵy memleket paıdasyna alynady», - dedi I. Merkel.
Onyń aıtýynsha, mundaı tárkileý túri Ulybrıtanııa, Germanııa, Shveıtsarııa, Reseı jáne Belgııada qoldanylady.
«Frantsııa men Japonııada ol tek adamzatqa qarsy jasalǵan qylmystarda ǵana qoldanylady. Qylmystyq kodekstiń jańa redaktsııasynda biz azamattardyń quqyqtary men bostandyqtaryn saqtaıtyn, ýaqyt tezinen ótken, ózin-ózi aqtaǵan qylmystyq-quqyqtyq ınstıtýttar men normalardy saqtap qaldyq», - dedi ol.
