QR QK ushqyshsyz ushý apparattarynyń operatorlaryn jańa ádis boıynsha oqytýda (FOTO)

ASTANA. QazAqparat - QR Qarýly Kúshteri Qurlyq áskerlerine qarasty 48386 áskerı bóliminiń bazasynda ushqyshsyz ushý apparattaryn basqaratyn operatorlardyń eki aptalyq jıyny bastaldy. Qazaqstandyq áskerı qyzmetshilerdi oqytýdy ızraıldik mamandar júrgizedi, dep habarlady QR Qorǵanys mınıstrliginiń baspasóz qyzmetinen.

Qarý-jaraqtar men áskerı tehnıkalardy jetildirý aıasynda Qurlyq áskerlerine qarasty quramalar men bólimder áskerı is-qımyldy qamtamasyz etý múddesinde barlaý júrgizý úshin jańa ushqyshsyz ushý apparattarymen jabdyqtalýda. Atalǵan ızraıldik ónimdi shyǵarýshylar, kúrdeli áskerı ahýaldarda ushqyshsyz ushý apparattaryn jetildirý men qoldanýda myqtylardyń biri bolyp sanalatynyn aıta ketken jón. Áýe barlaýyn júrgizýde ushqyshsyz ushý apparattary erekshe tańǵaldyrdy. Shýsyz elektrli qozǵaltqyshty keshenmen jabdyqtalǵan, salmaǵy nebári 10 keli apparatty kez-kelgen ýaqytta uzaqtyǵy 40 shaqyrym jerden, sonymen qatar bıiktigi 4 myń metrden basqaryp qana qoımaı, aýmaǵy 10 sharshy shaqyrymdy baqylaýdy júzege asyrady.

Jańa zamannyń qýatty elektrondy apparatýrasy jerde jeke adamdardy baqylap, shynaıy ýaqyt rejimindegi operatorǵa «kórgenin» dál jetkizip bere alady. Sodan keıin operator alynǵan málimetterdi pysyqtap, ony basshylyqqa jiberedi, sonymen qatar jiberilgen málimettiń negizinde áskerler men kúshterdi uıymdastyrý úshin sheshim qabyldanady. «Ushqyshsyz ushý apparattary» qosymsha ınfraqurylymdy, atap aıtqanda, áýeaılaqtar men maı quıatyn oryndardy qajet etpeıdi. Sondaı-aq jerdegi radarlarǵa múlde baıqalmaıdy. Olar barlaý is-qımyldarynyń jyldamdyǵyn, aýqymy men jiktelýin shynaıy arttyrýǵa, sondaı-aq áskerler úshin mańyzdy málimetterdi alǵan sátte adamdyq resýrstardyń saqtalýyna múmkindik beredi.