QR QK-niń áıel áskerı qyzmetshileri alǵash ret jaýyngerlik tehnıka - KAMAZ-dyń rólin tizgindedi (FOTO)
«Osy jyldan bastap áıel áskerı qyzmetshilerge KAMAZ avtomobıldi tehnıkasyn júrgizý boıynsha sabaqtar ótip jatyr. Sondaı-aq memlekettik-quqyqtyq daıarlyq, atys jáne oq atý daıarlyǵy boıynsha sabaqtar jáne taktıkalyq dárister ótkiziledi. Árbir áskerı qyzmetshi jynysyna qaramastan, jaýyngerlik tehnıkany júrgize alýy tıis. Áıel áskerı qyzmetshiler erlermen qatar barlyq praktıkalyq sabaqtardy orynadaıdy. Bul jaýyngerlik is-qımyldar jaǵdaıynda áıel urys tehnıkasynda qozǵalysty jalǵastyra alýy úshin qajet», - dedi 83205 á/b komandıri polkovnık Aıdar Abdrahman. Búginde áıel áskerı qyzmetshilerdiń jaýyngerlik daıarlyǵy oń dep baǵalanýda. QR Qorǵanys mınıstrliginiń baspasóz qyzmetinen habarlaǵandaı, olar fızıkalyq turǵyda daıyndalǵan jáne erlermen birge jaýyngerlik daıarlyq baǵdarlamasyn meńgerýde. KAMAZ-dardyń tizginin ustaý onyń ústine, arýlar úshin eń kúrdeli bolyp sanalady. 83205 áskerı bóliminiń áıel áskerı qyzmetshileri ózderiniń praktıkalyq mashyqtary men jaýyngerlik daıarlyqtaryn kórsetip, rastady. «Qarýly Kúshterde men 13 jyl qyzmet atqaryp júrmin. Kún saıyn bizde jaýyngerlik ázirlikti arttyrý boıynsha sabaqtar ótkiziledi. Jańa jyldan bastap biz KAMAZ jaýyngerlik tehnıkasyn júrgizýdi úırene bastadyq. Eń basynda qıyn boldy. Biz saz-balshyqty jerde júrgizdik, biraq, men tez ıgerip aldym jáne maǵan óte unaıdy. Meniń oıymsha, áskerde árbir áskerı qyzmetshi urys tehnıkasyn júrgize alýy tıis», - dedi 83205 á/b áskerı qyzmetshisi aǵa leıtenant Gúlden Álıeva.
Áıel áskerı qyzmetshiler erlermen qatar barlyq júktelgen tapsyrmalardy oryndaıtynyn aıta keteıik. Olardyń batyldyǵy men jaýyngerlik daıarlyqtaryn kórsetý úshin Qarýly Kúshterde osymen ekinshi ret «Batyr arýlar» baıqaýy ótkizilip jatyr. Bul baıqaýda syrtqy kelbetten basqa, dene daıarlyǵy, shydamdylyq jáne qoıylǵan tapsyrmalardy oryndaý ázirligi baǵalanady.
