QR QK-niń áskerı ushqyshtary 50 saǵattan asa kók aspanda qalqydy
Osy jyly avıatsııanyń jalpy ushyp ótýi 5%-ǵa ulǵaıdy. 2015 jylǵy qarashanyń basyndaǵy jaǵdaı boıynsha avıatsııanyń jalpy ushyp ótýi 15 200-den asa saǵatty (2014 jyly - 14 700-den asa saǵatty) qurady. Onyń ishinde túnde shamamen 1 500 saǵat (2014 jyly - 1 400-den asa saǵat). Ushý daıarlyǵynyń jospary boıynsha 823 ushý aýysym oryndaldy. Áýe qorǵanysy kúshteri áskerı qyzmetshileriniń aspanda qalqyp ushý ýaqyty da ulǵaıdy. Bir ushqyshtyń ortasha ushyp ótýi 52 saǵat 14 mınýtty (2014 jyly - 48 saǵat 20 mınýtty) qurady. Maıdandyq avıatsııa ushqyshtary kók aspanda 40 saǵattaı, armııalyq avıatsııa - 61 saǵattan asa, kólik avıatsııasy - 86 saǵattaı ushty. Jýyq arada 2015 oqý jylynyń qorytyndysy boıynsha QR QK ÁQK ÁÁK-niń úzdik áskerı bólimi anyqtaldy. Bul ataqqa Shymkent qalasyndaǵy 55652 áskerı bólimi - avıatsııalyq baza laıyq dep tanyldy. Osy bólimniń áskerı qyzmetshileri bir jyl boıy jaýyngerlik daıarlyqta jáne áskerı tártipti nyǵaıtýda úzdik kórsetkishter kórsetti. Avıabaza ushqyshtary MıG-29 joıǵyshtary men Sý-25 shabýyldaǵyshtarynda «Avıadarts - 2015» ushý ekıpajdarynyń halyqaralyq saıysynda ekinshi oryndy ıelendi. Sonymen qatar olar aspanda «70» degen sandy beınelep, Jeńistiń 70 jyldyǵyna oraılastyrylǵan sherýde erekshelendi.
