QR QK-niń áskerı qyzmetshileri Astananyń ortalyq kóshelerinde án shyrqap, marshpen júrip ótti

ASTANA. QazAqparat - Búgin, Astanada Otan qorǵaýshy kúnine oraı QR Qarýly Kúshteriniń áskerı qyzmetshileri elordanyń turǵyndary men qonaqtaryna erekshe syı tartý etti. Olar ortalyq kóshelerde án aıtyp, saptyq marshpen júrip ótti, dep habarlady QR Qorǵanys mınısrliginiń baspasóz qyzmeti.

«Búgin bizge úlken qúrmet kórsetilip otyr. Otan qorǵaýshy kúni jáne Uly Otan soǵysyndaǵy Jeńistiń 71 jyldyǵy qarsańynda 300 adam eki baǵyt boıynsha jaıaý marshpen júrip ótti. Biz halyqtyń óz qorǵaýshylaryn bilsin, tanysyn, armııasynyń qýattylyǵyn kórip, uǵynsyn degen nıetpen marsh jasadyq», - dedi 1-korpýs komandıri aǵa leıtenant Asan Bekenov.

68665 áskerı bóliminiń desantshy áskerı qyzmetshileri eki korpýsta «Báıterek» monýmentinen jáne Q. Muńaıtpasov atyndaǵy ortalyq stadıonnan eki baǵyt boıynsha bir ýaqytta marsh bastady. Jaıaý júris marshy kezinde áskerı qyzmetshiler qazaqstandyqtardyń bala kezinen jaqsy biletin áskerı ánderdi hormen aıtty.

«Men Astanaǵa is-sharalarda bolyp, armııamyzdyń qýattylyǵyn kórý úshin arnaıy mereke kúnderi keldim. Biz nemerelerimizben birge qydyryp, ádemi lekpen júrip jáne án shyrqap jatqan áskerılerdi kórdik. Júregimizdi maqtanysh jáne qýanysh sezimi kernedi, nemeremniń ózi qolymnan julqyp sol jerge alyp bardy. Men barlyq Otan qorǵaýshylardy shyn júrekten merekelerimen quttyqtaımyn. Senderge myqty densaýlyq, tynysh jumys jáne barlyq qarapaıym qazaqstandyqtardyń atynan alǵys bildiremin», - dep Astana qalasynyń meımany Galına Dúzgúmbaeva óz oıymen bólisti.

Esterińizge sala keteıik, 7 mamyr kúni Astanada Otan qorǵaýshy kúnine oraı birqatar is-shara josparlanǵan. Olardyń ishinde áskerı qyzmetshilerdiń jappaı jeńil atletıkalyq júgirýi, QR QK áskerı bólimderi men mekemeleri arasynda «Ásker barysy» ataǵyna búkilarmııalyq týrnır, áskerı-tarıhı murajaıǵa ekskýrsııa jasaý, ol jerde QR QK-niń áskerı qyzmetshileri sarbaz botqasyn daıyndaý úshin palatkaly qalashyq pen dalalyq as úıler óristetti, qarý-jaraq, áskerı tehnıka jáne murajaı jádigerleriniń kórmesi ótti.

Sondaı-aq QR QK-niń qyz-kelinshek áskerı qyzmetshileri men Ortalyq áskerı orkestrdiń solısteri Astananyń ortalyq kóshelerinde áskerı mashınalarda kortejben júrip ótip, elorda turǵyndary men qonaqtaryn merekelerimen quttyqtady. Kontserttik nómirler kórsetip, estelik kádesyılar tabys etti. Desantshy áskerı qyzmetshiler «Han shatyr» saýda oıyn-saýyq ortalyǵynda defıle jáne kórsetpeli kórsetilim usyndy.