QR QK-niń áskerı hımıkteri Armııa oıyndary - 2016 saıysyna daıyndalýda
«Shyǵys» óńirlik qolbasshylyǵynyń «Shyǵys» polıgonynda áskerı qyzmetshiler 100 metr qashyqtyqta ornatylǵan №8 nysana sheńberi bar keýde fıgýrasyna dóp tıgizýi tıis edi. Osy jattyǵýdy oryndaý kezinde Halyqaralyq armııa oıyndary sheńberinde «Qaýipsiz orta - 2016» baıqaýyna tartylatyn áskerı qyzmetshiler úzdik nátıjeler kórsetti. Eń kóp upaı jınaǵan serjant Rınat Sedyh pen Aıbek Qojabaev boldy, dep habarlaıdy QR QM baspasóz qyzmeti.
«Atalmysh sabaqtardy qorytyndylaı otyryp, «Shyǵys» óńirlik qolbasshylyǵy aýqymynda «Qaýipsiz orta - 2016» baıqaýynyń irikteý kezeńin ótkizý qarsańynda áskerı qyzmetshiler úshin bul atys daıarlyǵy boıynsha qorytyndy sabaq bolǵanyn aıta ketkimiz keledi», - dep atap ótti bólim áskerı qyzmetshileri.
Atys daıarlyǵy Armııa halyqaralyq oıyndary sheńberinde ótetin radıatsııalyq, hımııalyq jáne bıologııalyq qorǵaý áskerleri arasynda «Qaýipsiz orta» baıqaýy kezeńderiniń biri bolyp tabylatynyn aıta keteıik. QR Qarýly Kúshteriniń áskerı qyzmetshileri bul baıqaýǵa alǵash ret qatysqaly otyr.
Baıqaýǵa daıyndalý aıasynda hımık áskerı qyzmetshiler barlaý-hımııalyq mashınalarda jeke jarysýdy, hımııalyq zaqymdaý qýat kózin izdeýdi, arnaıy óńdeýdi júrgizý men atys-shabýyldaý jolaǵyndaǵy sheshýshi kezeńdi, sondaı-aq estafeta men atys daıarlyǵyn pysyqtaıtyn bolady. 
