QR QK-niń arnaıy maqsattaǵy jaýyngerleri alǵash ret Elbrýs shyńyn baǵyndyrýǵa attanady

ASTANA. QazAqparat - Almaty oblysynyń Jońǵar Alataýy aýmaǵynda 48386 áskerı bólimi arnaıy maqsattaǵy rotanyń áskerı qyzmetshileri taýly daıarlyq boıynsha tapsyrmalardy pysyqtady, dep habarlady QR Qorǵanys mınıstrliginiń baspasóz qyzmetinen.

Sabaqtar «Elbrýs shyǵyrshyǵy - 2016» halyqaralyq saıysyna qatysý úshin jeke quramnyń jaýyngerlik daıarlyq deńgeıin arttyrýǵa baǵyttalǵan.

Jarys Reseı Federatsııasynda ótedi. Teńiz deńgeıinde 5 642 metrdegi ǵalamshardyń eń bıik shyńy Elbrýsty baǵyndyrý úshin ózge eldiń myqty áskerı alpınısterimen kúresýde áskerı qyzmetshiler quzǵa órmeleý, taýly ózender arqyly ótkelden ótý, arqannan ótý jáne taýly jerde jaralyny kóshirý elementterin pysyqtaıdy. 

Odan basqa, 48386 áskerı bóliminiń arnaıy maqsattaǵy jaýyngerleri «Sýyq tóbe» jáne «Muztaý» shyńdaryn baǵyndyrdy.

Sabaq barysynda kelisimshart qyzmetiniń áskerı qyzmetshileri kishi serjanttar Ashat Orazbaev pen Jandos Serikbaev taýly daıarlyqta jaqsy nátıjeler kórsetti. Jeke qurammen moraldyq-psıhologııalyq jáne tárbıe jumysyn uıymdastyrýda rota komandıri Erlan Ońǵarbaev jaqsy jaǵynan atap ótildi. 

Taýly daıarlyq boıynsha sabaqtar 2016 jyldyń qysqy oqytý kezeńine arnalǵan áskerlerdiń josparlaryna sáıkes ótkizildi. Bıylǵy oqý jylynyń «Máńgilik el» tuǵyry - Qýatty Armııa!» uranymen jaýyngerlik daıarlyqtaǵy negizgi kúsh-jiger dál osy taýly daıarlyqqa baǵyttalǵanyn aıta ketken jón.