QR QK-niń 500-den astam serjanty elimizdiń jáne sheteldiń joǵary oqý oryndarynda qosymsha bilim aldy
Olardyń ishinde 225 áskerı qyzmetshi vzvod serjanty kýrsyn oqydy, 52-si batalon serjanttary kýrsyn, 35-i jaýyngerlik daıarlyq boıynsha nusqaýshylar kýrsyn, 22-si brıgada serjanttarynyń kýrsyn, 3-ýi akademııalyq kýrsty aıaqtady. Kýrstar Ulttyq qorǵanys ýnıversıtetiniń, sondaı-aq QR QK oqý-jattyǵý ortalyqtarynyń bazasynda uıymdastyryldy, dep habarlaıdy QR QM baspasóz qyzmeti.
Sonymen qatar, qazirgi kezde áskerı qyzmetshilerge shetel joǵary oqý oryndary da qoljetimdi bolyp keledi. Bıylǵy jyly 30-dan asa serjant shetelde biliktilikti jáne til daıarlyǵyn arttyrý kýrstarynda oqýdan ótti. Al kelesi jyly qol jetkizilgen kelisimdilik sheńberinde alǵash ret Qazaqstan Áskerı-áýe kúshteriniń serjanttaryn AQSh-qa arnaıy oqý kýrsyna joldaý, sondaı-aq AQSh ÁÁK serjanttar quramyna arnalǵan bilim berý baǵdarlamalaryn ázirleý tehnıkalyq mektepteri men ortalyqtaryna jıi túrde shyǵýdy uıymdastyrý josparlanýda. Qazaqstannyń Qarýly Kúshterinde armııanyń kásibı negizi retinde serjanttar quramyn daıarlaý men qaıta daıarlaýǵa qazirgi ýaqytta úlken kóńil bólinýde. Basqarý júıesiniń bastapqy býyny bola otyryp, serjanttar komandalyq quramnyń anaǵurlym kóp bóligin quraıdy. Olardyń kásibıliginen kóbinese áskerlerdegi tártip baılanysty.