QR QK myńǵa jýyq áskerı qyzmetshi biliktiligin arttyrdy

ASTANA. QazAqparat - Qazaqstandyq 1000-ǵa jýyq áskerı qyzmetshi osy jyldyń basynan QR Tuńǵysh Prezıdenti - Elbasy atyndaǵy Ulttyq qorǵanys ýnıversıtetinde biliktilikti arttyrý fakýltetinde oqyp shyqty.

Bul týraly QR Qorǵanys mınıstrligniń baspasóz qyzmetinen habarlady.

2015 jyldyń sońyna deıin 36 adam daıarlyqtan ótpek. Sonyń ishinde 15 áskerı qyzmetshi - shet tilin qarqyndy zerdeleý kýrstarynan, al 11-i - brıgada serjanttary jáne odan joǵary kýrstyq daıarlyqtary, sondaı-aq Bas áskerı prokýratýranyń 10 ókili - biliktilikti kóterý kýrstarynan ótedi.

Biliktilikti arttyrý fakýlteti áskerı qyzmetshilerdiń kásibıligin, tildiń daıarlyq deńgeıin arttyrý, áskerlerdiń jedel, jaýyngerlik jáne jumyldyrý basshylyǵynyń komandalyq jáne ádistemelik daǵdylaryn, sharýashylyq qyzmetin qalyptastyrý, jeke quramnyń turmysyn uıymdastyrý maqsatynda UQÝ qosymsha bilim berý fakýltetiniń bazasynda uıymdastyrylǵan.

Oǵan biliktilikti arttyrý, shet tilderin qarqyndy zerdeleý jáne jumyldyrý kýrstary kiredi. Qazirgi kezde oqytý 11 baǵyt boıynsha júrgiziledi. Degenmen Qazaqstan Qarýly Kúshteriniń túrleri, tekteri men arnaıy áskerleri úshin áskerı mamandyq artyqshylyqtarymen qosa keler jyly 22 baǵytqa deıin keńeıtip qamtýdy josparlap otyr. Fakýltet qurylǵan sátten beri 3 000-nan astam ofıtser men serjant daıarlandy.