QR QK Bas shtabynyń bastyǵy Semeı garnızony áskerı bólimderiniń jaýyngerlik ázirligin tekserdi (FOTO)

ASTANA. QazAqparat - Qorǵanys mınıstriniń birinshi orynbasary, Qazaqstan Respýblıkasy Qarýly Kúshteri Bas shtabynyń bastyǵy, general-polkovnık Sáken Jasuzaqov Semeı garnızonynda bolyp, 44736 áskerı bóliminiń jaýyngerlik ázirligin tekserdi, dep habarlaıdy qorǵanys mınıstrliginiń baspasóz qyzmeti.

Jumys sapary barysynda general-polkovnık S. Jasuzaqov jeke quramnyń jaýyngerlik daıyndyǵy jáne mashyǵymen, qarý-jaraq pen áskerı tehnıkanyń jaǵdaıymen, bólimniń oqý-materıaldyq bazasymen tanysty. Sonymen qatar, bólimshelerdi kelisimshart boıynsha áskerı qyzmetshilermen jasaqtaýǵa aıryqsha kóńil bóldi.

Kezdesýdi qorytyndylaǵan QR QK Bas shtabynyń bastyǵy jeke quramnyń joǵary moraldyq jáne patrıottyq rýhyn atap ótip, «Shyǵys» óńirlik qolbasshylyǵynyń áskerı qyzmetshileri qoıylǵan mindetterdi oryndaıtynyna senim bildirdi.