QR QK Áýe qorǵanysy kúshteriniń barlyq baılanys áskerı bólimderinde keshendi jattyqtyrý ótti (FOTO)
Onda Qurlyq áskerleri men Áskerı-teńiz kúshteriniń ártúrli bólimshelerimen ózara is-qımyl máselelerin pysyqtady, dep habarlaıdy QR QM baspasóz qyzmeti.
Áýe qorǵanysy kúshteriniń barlyq baılanys áskerı bólimderinde keshendi jattyqtyrý ótkizildi. Dalalyq baılanys toraby jedel kezekshisiniń belgisi boıynsha batalondar jaýyngerlik ázirliktiń joǵary dárejesine keltirildi jáne tolyq quramda qoldaný aýdandaryna marsh jasady. Óristetý oryndaryna kelgennen keıin troposferalyq stansalardyń bastyqtary aldyn ala barlaýdy júrgizdi jáne baǵynysty ekıpajǵa tapsyrmalar berdi.
«Áskerı bólimniń jeke quramy úshin apta saıyn ótkiziletin jaýyngerlik jáne taktıkalyq-saptyq daıarlyq josparyna sáıkes jyl saıyn ekıpajdar úılesimdi jumys jasaýda, ózderiniń mashyǵy men kásipqoılyǵyn arttyra otyryp, qoıylǵan tapsyrmany ýaqtyly jáne senimdi oryndaıdy», - deıdi 78460 á/b komandıri polkovnık Oırat Átikenov. Dalalyq jattyǵý qorytyndysy boıynsha jeke quram qoıylǵan tapsyrmany oryndap, joǵary nátıjelerge qol jetkizdi. «Dalalyq shyǵýdyń qysqa merzimi ishinde oqý-jattyǵý sapaly ótti. Jeke qurammen radıolokatsııalyq stansalarǵa arnalǵan orlar qazyldy, búrkemeleý jáne baılanys ornatý uıymdastyryldy. Oqý-jattyǵý barysynda radıatsııalyq, hımııalyq jáne bıologııalyq qorǵaý boıynsha sabaqtar, sondaı-aq dıversııalyq barlaý toptarynyń shabýyldaryn toıtarý jóninde qosymsha kirispeler ótkizildi», - dep atap ótti Áýe qorǵanysy kúshteri bas qolbasshysy basqarmasy bas shtaby bastyǵynyń orynbasary polkovnık Ǵanı Baıseıitov.